ვფიქრობთ, სამარცხვინო იყო ევროკავშირის გადაწყვეტილება, როცა საქართველოს არ მიანიჭა კანდიდატის სტატუსი-ნაკსა ლორნიკი
ვფიქრობთ, სამარცხვინო იყო ევროკავშირის გადაწყვეტილება, როდესაც საქართველოს კანდიდატის სტატუსი არ მიანიჭა. ყველაფერს ვაკეთებთ, რომ საქართველოს ჰქონდეს სტატუსი და ეს იყოს მისთვის გარანტირებული, – ამის შესახებ ნატო-ში უნგრეთის საპარლამენტო დელეგაციის ხელმძღვანელმა, უნგრეთის პარლამენტში უნგრეთი-საქართველოს მეგობრობის ჯგუფის ხელმძღვანელმა, ნაკსა ლორნიკმა განაცხადა.
მისივე თქმით, საჭიროა ნატო-სა და ევროკავშირის გაფართოება და სურთ საქართველო ევროატლანტიკურ საზოგადოებაში.
„ძალიან კარგი შეხვედრა გვქონდა ქართულ დელეგაციასთან. უნგრეთსა და საქართველოს სტრატეგიული ურთიერთობა აქვთ. მომავალ კვირას თბილისში ერთობლივი მთავრობათაშორისი სამიტი გვექნება. ჩვენი ურთიერთობა და კავშირები ძალიან ძლიერია. მხარს ვუჭერთ საქართველოს ევროატლანტიკურ გზას. ვფიქრობთ, რომ სამარცხვინო იყო ევროკავშირის გადაწყვეტილება, როდესაც საქართველოს კანდიდატის სტატუსი არ მიანიჭა, ყველაფერს ვაკეთებთ, რომ საქართველოს ჰქონდეს კანდიდატის სტატუსი და ეს იყოს მისთვის გარანტირებული. რასაკვირველია, ჩვენ ძალიან მჭიდროდ ვმუშაობთ ნატო-ს საპარლამენტო ასამბლეის ფარგლებში, რადგან მხარს ვუჭერთ საქართველოს სუვერენიტეტსა და ტერიტორიული მთლიანობას. უნგრეთი ფიქრობს, რომ გვჭირდება ნატო-სა და ევროკავშირის გაფართოება და გვინდა საქართველო ევროატლანტიკურ საზოგადოებაში. დღევანდელ შეხვედრაზე ვისაუბრეთ სწორედ ამაზე და ჩვენს სამომავლო თანამშრომლობაზე ევროსაბჭოს საპარლამენტო ასამბლეისა და ნატო-ს საპარლამენტო ასამბლეის ეგიდით“, – განუცხადა ნაკსა ლორნიკმა საქართველოს პირველ არხს კოპენჰაგენში.
