უმსხვილესი გადამხდელი ბიუჯეტში – ბათუმის საზღვაო ნავსადგური – XXIII ბიზნეს რეიტინგის გამარჯვებულია
მედიაჰოლდინგ “ჯორჯიან თაიმსის” ბიზნეს რეიტინგის XXIII დაჯილდოებაზე – 2023-2024 წლის 21 საუკეთესო კომპანია და ბიზნესმენი გამოვლინდა.
კომპეტენტურმა ჟიურიმ კატეგორიაში – უმსხვილესი გადამხდელი ბიუჯეტში – ბათუმის საზღვაო ნავსადგური დაასახელა.
ბათუმის ნავსადგურმა ასევე გაიმარჯვა ნომინაციაში – საინვესტიციო მიმზიდველობა, უსაფრთხოების მაღალი სტანდარტი, დინამიური ზრდა და განვითარება -“ბათუმის საზღვაო ნავსადგური” და ულან ტლეუგალი დაჯილდოვდა.
ბათუმის ნავსადგური, ევროპა-კავკასია-აზიის კორიდორის მნიშვნელოვან რგოლს წარმოადგენს, რომელიც ევროპას აზიასთან აერთებს.
ნავსადგურის შექმნის ისტორია პრაქტიკულად კავკასიის რეგიონის ლოჯისტიკური ცენტრის ფორმირების ისტორიაა, რომელმაც განსაზღვრა საქართველოს, როგორც ტრანზიტული ქვეყნის როლი
ბათუმის ნავსადგურის ხელისუფლება დიდ ყურადღებას უთმობს მის განვითარებას, ძირითადი საშუალებების განახლებას, ხარისხის მართვისა და უსაფრთხოების თანამედროვე სტანდარტების დანერგვას.
როგორც ინვესტიცია 2008 წლიდან დღემდე, BSP-მა მოიზიდა 48 მილიონი აშშ დოლარი.
მაღალპროფესიონალური გუნდი, განვითარებული ინფრასტრუქტურა, ხელსაყრელი მდებარეობა და მრავალფეროვნება საშუალებას აძლევს მომხმარებლებს უზრუნველყოს მაღალი ხარისხის სერვისების ფართო სპექტრი ოპტიმალური პირობებით.
ტვირთბრუნვის დინამიური ზრდა წარმოების ამოუწურავი შესაძლებლობებისა და მიზანმიმართული, აქტიური მუშაობის მტკიცებულებაა. პორტი ახალ საფეხურზე მოდის და განაგრძობს განვითარებას, რადგან მას აქვს პოტენციალი, მიაღწიოს კიდევ უფრო უკეთეს შედეგებს.
“ჯორჯიან თაიმსის” ბიზნეს რეიტინგის XXIII დაჯილდოების საზეიმო ღონისძიება, ფუნიკულიორის წვეულებათა დარბაზში გაიმართა. გალა საღამოზე, ტრადიციულად, რჩეულთა შორის რჩეული კომპანია, კენჭისყრის საფუძველზე გამოვლინდა. ბიზნესის ეროვნული ჯილდოს, გრან-პრის მფლობელი კომპანია “ასკანელი ძმები” გახდა.
ჟიურიმ წლის საუკეთესო ინვესტორ კომპანიად “ჯორჯიან პროდაქტსი” – დავით ბარდაველიძე დაასახელა და Investment Award -ის გარდამავალი ჯილდო (“ზარაფხანას” მიერ შექმნილი ექსკლუზიური კომპოზიცია – (“მერიდიანი”) გადასცა.
მედიაჰოლდინგ “ჯორჯიან თაიმსის” ბიზნეს რეიტინგის ღონისძიებაზე ტრადიციულად, საკონკურსო ჯილდოების პარალელურად, ყოველწლიურად წესდება სპეციალური გარდამავალი ჯილდოები.
Investment Award – ის გარდამავალი ჯილდო შემდეგ კომპანიებს გადაეცათ:
1. გარდამავალი ინვესტორის ჯილდო -“ჯორჯიან პროდაქტსი” – დავით ბარდაველიძე
2.უმსხვილესი გადამხდელი ბიუჯეტში – ბათუმის საზღვაო ნავსადგური
3. სოციალური კორპორატიული პასუხისმგებლობა – “თამ მენეჯმენტი” – პანტიკო თორდია
4. მსხვილი ექსპორტიორი -“ჯორჯიან პროდაქტსი” – დავით ბარდაველიძე
5. წლის საუკეთესო დამსაქმებელი -“ნიკორა სუპერმარკეტი” – თემურ ალექსანდრია/მარინა ნიკოლაიშვილი
6. ყველაზე დიდი იმპორტიორი -“სოკარი” – მაირ მამედოვი
7. მწვანე ეკონომიკის ლიდერი – PSP -ვაჟა ოქრიაშვილი
8. მუდმივად განახლებადი ტექნოლოგიებისთვის – კავკასიის ავტოიმპორტი – გიორგი სურგულაძე
ცერემონიალზე სხვადასხვა ნომინაციებში გამოვლენილი ბიზნესმენები ტრადიციისამებრ, “ზარაფხანას” მიერ შექმნილი უნიკალური კომპოზიციებით, სამკერდე ოქროს ლომებით დაჯილდოვდნენ.
პროექტის მიზანია: ეროვნულ ბიზნესში ყველაზე წარმატებული დარგების განსაზღვრა, დიალოგის მხარდაჭერა ბიზნესს – ხელისუფლებასა და საზოგადოებას შორის.
უკვე დიდი ხანია ღონისძიება საერთაშორისო სტატუსით სარგებლობს და მაღალი რეპუტაციიდან გამომდინარე მუდმივად მედიის და საზოგადოების დიდ ინტერესს იწვევს. ბიზნეს რეიტინგში მონაწილეობამ, არა ერთ კომპანიას და ბიზნესმენს მისცა წინსვლის და განვითარების უფრო დიდი პერსპექტივა.
