უკრაინაში დაღუპული ორი ქართველი სამხედრო საქართველოში ჩამოასვენეს

უკრაინაში დაღუპული ორი ქართველი სამხედრო – ზურაბ წიკლაური და გოჩა ჟვანია საქართველოში დღეს დილით ჩამოასვენეს.

ცხედრებს თბილისის საერთაშორისო აეროპორტში მათი ოჯახის წევრები, ნათესავები და ახლობლები დახვდნენ.

უკრაინაში მებრძოლი ქართველი სამხედროები აღმოსავლეთის ფრონტის წინა ხაზზე დაიღუპნენ. ისინი ქართული ლეგიონის შემადგენლობაში უკრაინაში 2014 წლიდან იბრძოდნენ.

ცნობისთვის, რუსეთ-უკრაინის ომში, 2022 წლის 24 თებერვლიდან დღემდე, 50-ზე მეტი ქართველი მებრძოლი დაიღუპა.