უკრაინაში დაღუპული მიხეილ თევდორაძე საქართველოში ჩამოასვენეს
253
0
უკრაინაში დაღუპული ქართველი მებრძოლი მიხეილ თევდორაძე საქართველოში ჩამოასვენეს. თბილისის საერთაშორისო აეროპორტში მისი მეგობრები, ოჯახის წევრები და ახლობლები იმყოფებოდნენ.
თევდორაძე უკრაინაში ომის დაწყებიდან მალევე წავიდა. ის რამდენიმე დღის წინ ბახმუტის მისადგომებთან ბრძოლის დროს დაიღუპა, მასთან ერთად დაიღუპა სერგო ქართველიშვილი და დაიჭრა 3 ქართველი. ქართველი სამხედროების სიცოცხლე სნაიპერის ტყვიამ იმსხვერპლა.
ბახმუტთან დაღუპული ქართველებიდან ამ დროისთვის მხოლოდ მიხეილ თევდორაძის ცხედრის გადმოსვენება მოხერხდა.
