“საქართველოს ვურჩევ, რუსეთთან ფლირტი შეწყვიტოს”- ადამ კინზინგერი

რუსეთის, როგორც რეგიონალური ძალის, დღეები იწურება. საქართველოს მტკიცედ ვურჩევ, სერიოზულად მოეკიდოს ამას და რუსეთთან ფლირტი შეწყვიტოს, – ამის შესახებ ამერიკელი კონგრესმენი, ადამ კინზინგერი „ტვიტერში“ წერს.

კონგრესმენი ეხმიანება მედიაში გავრცელებულ ინფორმაციას, რომლის თანახმადაც, თბილისში დააფიქსირეს ჩეჩნეთის ლიდერის რამზან კადიროვის მრჩეველი და მოკავშირე და ქართველი მომღერლის ქეთა თოფურიას ქმარი, ლევ დენგოვი, რომელმაც ადრე დაარღვია საქართველოს კანონი ოკუპირებული ტერიტორიების შესახებ.