ქართველმა ათლეტებმა კლასიკურ წოლჭიმში მსოფლიოს ჩემპიონატზე ცხრა მედალი მოიპოვეს

ნორვეგიის ქალაქ დრამენში გამართულ კლასიკური წოლჭიმის მსოფლიოს ჩემპიონატზე ქართველმა ათლეტებმა წარმატებით იასპარეზეს. ჭაბუკებში, ახალგაზრდებსა და ღია ასაკობრივ კატეგორიაში საქართველოს ნაკრებმა სულ ცხრა მედალი მოიპოვა.

ჭაბუკთა შორის ვერცხლის მედლებს დაეუფლნენ გოდერძი ქარცივაძე (74 კგ) და თორნიკე მარტაშვილი (120 კგ), ნიკოლოზ მამულაძემ (120+ კგ) კი ბრინჯაოს მედალი მიიღო. გუნდურ ჩათვლაში საქართველოს ჭაბუკთა ნაკრებმა მეორე ადგილი დაიკავა.

ახალგაზრდებს შორის ჩემპიონობა იზეიმა ზურა ღვინიანიძემ (59 კგ), ვერცხლის მედლებს კი ანდრია მიქაუტაძე (53კგ) და ალეკო სიდანოვი (66 კგ) დაეუფლნენ. გუნდურ ჩათვლაში საქართველოს ახალგაზრდულმა ნაკრებმა დაიკავა პირველი ადგილი.

ღია ასაკობრივ კატეგორიაში ჯაბა სეფიაშვილმა (59 კგ) მეორე, ხოლო ცოტნე ბეჟაშვილმა (66 კგ) მესამე ადგილი დაიკავა.

ქართველი ათლეტები ჩემპიონატზე საქართველოს სპორტის სამინისტროს მხარდაჭერით იმყოფებოდნენ.