პანტოპრა ჩააქრობს ხანძარს თქვენს კუჭში და მოგიტანთ შვებას!
როგორ დავიცვათ თავი გულძმარვისა და კუჭ-ნაწლავის პრობლემებისგან?
თანამედროვე ცხოვრების ტემპი, არარეგულარული კვება და სტრესი ხშირად უარყოფითად აისახება ჩვენს ჯანმრთელობაზე. ამას ემატება ჩვენი საყვარელი “მავნე” ჩვევებიც, რომლებსაც არანაკლები გავლენა აქვს ორგანიზმის ზოგად ფუნქციონირებაზე. გადატვირთული სამუშაო გრაფიკის, შეხვედრებით სავსე დღეების ან უბრალოდ ქრონიკული დაღლილობის ფონზე, როცა დრო არ გვრჩება სრულფასოვან საკვებზე ფიქრისთვის, ხშირად მივმართავთ სწრაფ და პრაქტიკულ გადაწყვეტილებებს: დღის მანძილზე არც რამდენიმე ჭიქა ყავის დალევაზე ვამბობთ უარს და არც სწრაფი, არაჯანსაღი საკვების მიღებაზე – განსაკუთრებით მაშინ, როცა ეს “მარტივი გამოსავალია” შიმშილის დასაკმაყოფილებლად. ალბათ დამეთანხმებით, რომ გვიან ღამით ჭამა იმ აქტივობებს შორისაა, რომლის გარეშეც საყვარელი ფილმის ან გადაცემის ყურება წარმოუდგენელია, რომ არაფერი ვთქვათ ფეხბურთზე, რომლის გულშემატკივრობა ლუდის ან სხვა ალკოჰოლური სასმლის გარეშე არც წარმოგვიდგენია.
მნიშვნელოვანია აღვნიშნოთ, რომ ეს ჩვევები, მიუხედავად მათი გარეგნული უწყინარობისა, კუჭ-ნაწლავის ტრაქტზე ყოველდღიურ უარყოფით ზეგავლენას ახდენს. ალბათ ბევრისთვის ნაცნობი გამოცდილებაა გულძმარვა, სიმძიმე ან წვის შეგრძნება კუჭის არეში. ხშირად ეს სიმპტომები გასტროეზოფაგური რეფლექსის (GERD) ნიშნებია, რომლის განვითარებას სწორედ ჩვენი ყოველდღიური „მავნე“ ჩვევებიც უწყობს ხელს.
გასტროეზოფაგური რეფლუქსი (GERD) დღევანდელ რეალობაში სულ უფრო ხშირი დიაგნოზია. ეს არის მდგომარეობა, როცა კუჭის შიგთავსი უკუამოედინება საყლაპავსა და პირის ღრუში და აზიანებს ლორწოვან გარსს. შედეგად, ჩნდება ყველასთვის კარგად ნაცნობი სიმპტომები – გულძმარვა, წვის შეგრძნება მკერდის ძვლის უკან და ყელის მიდამოში, მჟავე გემო პირის ღრუში, დისკომფორტი ყლაპვის დროს. რაც უფრო ხშირად ვაწყდებით მაპროვოცირებელ ფაქტორებს, როგორიცაა დიდი ულუფებით კვება, ცხარე და ცხიმიანი საკვები, გვიან ჭამა, თამბაქო, ალკოჰოლი, დიდი რაოდენობით კოფეინი და ქრონიკული სტრესი – მით უფრო დიდია რეფლუქსის განვითარების რისკი.
თავდაპირველად, სიმპტომები შესაძლოა არც ისე მკვეთრად გამოვლინდეს და მათი გამომწვევი მიზეზიც ბუნდოვანი იყოს. ხშირ შემთხვევაში, დისკომფორტს კონკრეტულ საკვებს ვაბრალებთ – მაგალითად, ზედმეტად ცხარე წვნიანს, ნაჯერი ცხიმებით მომზადებულ კერძს ან თუნდაც გვიან ღამით ვახშამს. თუმცა, როდესაც ასეთი შემთხვევები ხშირდება, სიმპტომები კი მწვავდება, გულძმარვა, წვა და ყელში მჟავე გემო ნელ-ნელა ყოველდღიური ცხოვრების შემაწუხებელი ნაწილი ხდება.
მნიშვნელოვანია გავითვალისწინოთ, რომ გასტროეზოფაგური რეფლუქსი ზემოქმედებს არა მხოლოდ კუჭ-ნაწლავის სისტემაზე, არამედ შეიძლება აისახოს სასუნთქ სისტემაზეც. ხშირი ხველა, ხმის დაკარგვა, ბრონქოსპაზმი, ქრონიკული ლარინგიტი – ეს ყველაფერი შესაძლოა GERD-ის გართულებული მიმდინარეობის შედეგი იყოს. ასევე, საყურადღებოა საყლაპავის ლორწოვანზე კუჭის მჟავე შიგთავსის მუდმივი ზემოქმედებით გამოწვეული დაზიანებები, მათ შორის ეზოფაგიტი (საყლაპავის ლორწოვანი გარსის ანთება), ეროზიები და ღრმა წყლულოვანი გართულებები საყლაპავის ლორწოვანზე, რაც შესაძლოა უმნიშვნელო ჩივილებით დაიწყოს, თუმცა დროთა განმავლობაში სერიოზულ პათოლოგიებში გადაიზარდოს.
მაშინ როგორ დავიცვათ თავი გულძმარვისა და კუჭ-ნაწლავის პრობლემებისგან?
სპეციალისტები გვირჩევენ ვაკონტროლოთ კვების რეჟიმი და რაციონი, მივირთვათ მცირე ულუფებით, მაგრამ ხშირად, მოვერიდოთ ცხიმიან, მჟავე, ცხარე და შებოლილ პროდუქტებს, გვირჩევენ ალკოჰოლისა და გაზიანი სასმელებისგან თავის არიდებას, კოფეინისა და შოკოლადის რაოდენობის შემცირებას, ვახშამსა და ძილს შორის მინიმუმ 2-3-საათიანი ინტერვალის დაცვას, ჭარბი წონის შემთხვევაში – წონის კორექციას.
თუმცა, როდესაც სიმპტომები ყოველდღიური დისკომფორტის ნაწილია და მხოლოდ ცხოვრების წესის გაჯანსაღება საკმარისი აღარ არის პრობლემის დასაძლევად, მკურნალობის ერთ-ერთ ეფექტურ გზას მედიკამენტოზური თერაპია წარმოადგენს.
თანამედროვე სამედიცინო პრაქტიკაში, გასტროეზოფაგური რეფლუქსის მკურნალობის ერთ-ერთ ძირითად და ეფექტურ საშუალებად მიიჩნევა პროტონული ტუმბოს ინჰიბიტორები – მედიკამენტები, რომლებიც ამცირებენ კუჭში მჟავას გამომუშავებას და საიმედოდ იცავენ ლორწოვან გარსს მისი გამაღიზიანებელი ზემოქმედებისგან. ერთ-ერთი ასეთი მედიკამენტი გასტროეზოფაგური რეფლუქსის სამართავად პანტოპრაა (პანტოპრაზოლი 40 მგ), რომელიც თურქეთში იწარმოება და მისი სავაჭრო ლიცენზიის მფლობელია საერთაშორისო, მულტინაციონალური ფარმაცევტული კომპანია GM PHARMA.
პანტოპრა მიეკუთვნება პროტონული ტუმბოს ინჰიბიტორთა ჯგუფს და ეფექტიანად ამცირებს კუჭის მჟავიანობას, რაც სიმპტომების სწრაფად შემსუბუქებასა და მდგომარეობის ხანგრძლივ კონტროლს უზრუნველყოფს. სხვა პროტონული ტუმბოს ინჰიბიტორებთან შედარებით, პანტოპრა გამოირჩევა განკურნების მაღალი მაჩვენებლით ეზოფაგიტის (საყლაპავის ლორწოვანი გარსის ანთება, რომელსაც საყლაპავში კუჭის მჟავას ხშირი ამოდინება იწვევს) დროს, რეფლუქს-ეზოფაგიტის ღამის სიმპტომების ეფექტური კუპირებით, წამალთაშორის ურთიერთქმედების მინიმალური მაჩვენებლით, რაც ზრდის მის თავსებადობას სხვა მედიკამენტებთან. ამავდროულად, პანტოპრა იცავს კუჭ-ნაწლავის ტრაქტს სხვადასხვა მედიკამენტით (მაგ. ტკივილგამაყუჩებლები, სისხლის „გამათხიერებლები“) გამოწვეული ისეთი გართულებებისგან, როგორიცაა გასტრიტი, წყლულოვანი დაავადება, სისხლდენა კუჭ-ნაწლავის ტრაქტიდან და სხვა.
პანტოპრა მიიღება მოზრდილებსა და ბავშვებში 12 წლიდან და ჩვეულებრივ ინიშნება 1 ტაბლეტი დღეში ერთხელ. რეკომენდებულია მისი მიღება ჭამამდე დაახლოებით 1 საათით ადრე, მცირე რაოდენობის წყალთან ერთად. თუმცა, თუ სიმპტომები მძაფრია, ექიმთან კონსულტაციით, შესაძლებელია დაინიშნოს დღეში 2-ჯერაც. განსაკუთრებით მაშინ, როცა რეფლუქს-ეზოფაგიტის სამკურნალო სხვა პრეპარატები უშედეგოა. რეფლუქს-ეზოფაგიტის მკურნალობა, როგორც წესი, 4-კვირიან კურსს საჭიროებს. თუ ეს საკმარისი არ არის, მაშინ სამკურნალო ეფექტი შემდგომი 4 კვირის განმავლობაში მიიღწევა.
პანტოპრა ჩააქრობს ხანძარს თქვენს კუჭში და მოგიტანთ შვებას!
გამოყენებისას გაეცანით ინსტრუქციას. გვერდითი მოვლენების შესახებ დეტალური ინფორმაციისთვის მიმართეთ ექიმს.
R
