კობა კობალაძე ალექსანდრე თევდორაძეს შეხვდა

მიმდინარე წლის 6 აპრილს, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე საქართველოს გაერთიანებული წყალმომარაგების კომპანიის დირექტორს, ალექსანდრე თევდორაძეს შეხვდა. შეხვედრა კომპანიის სათაო ოფისში გაიმართა.

მხარეთა შეხვედრის მიზანი იყო გურიის რეგიონში ჩამოყალიბებული ”ვეტერან ფერმერთა ასოციაციის” ინფრასტრუქტურული განვითარებისთვის გაერთიანებული წყალმომარაგების კომპანიის თანადგომა.

მხარეებმა ხაზი გაუსვეს რეგიონში მცხოვრები ვეტერანების წინაშე არსებული სოციალური და ეკონომიკური გამოწვევების დასაძლევად სახელმწიფო ინსტიტუციებსა და საზოგადოების ერთობლივ ძალისხმევას;

ალექსანდრე თევდორაძემ კობა კობალაძეს და ”გურიის ვეტერან ფერმერთა ასოციაციას” მხარდაჭერა აღუთქვა და აღნიშნა, რომ შედეგზე ორიენტირებული თანამშრომლობისთვის, კომპანიის მხრიდან ქმედითი ნაბიჯები გადაიდგმება.

კობა კობალაძემ, ალექსანდრე თევდორაძესა და საქართველოს გაერთიანებული წყალმომარაგების კომპანიას გულისხმიერებისა და თანადგომისთვის მადლობა გადაუხადა.

შეხვედრას, ასევე, ესწრებოდა საქართველოს გაერთიანებული წყალმომარაგების კომპანიის დირექტორის მოადგილე, ნინო ნაროზაშვილი.