“გვარამიას წარსული პირდაპირ უკავშირდება მედიის თავისუფლებების ხელყოფას” – ირაკლი კობახიძე

როდესაც თავადაც ოდიოზური ევროპარლამენტარები ხვდებიან მედია-ზონდერს, მიუთითებს იმაზე, როგორია მათი დამოკიდებულება, მათ შორის მედიის თავისუფლების მიმართ, – ამის შესახებ „ქართული ოცნების“ თავმჯდომარემ და საპარლამენტო უმრავლესობის ლიდერმა ირაკლი კობახიძემ ჟურნალისტებთან ნიკა გვარამიაზე დასმული კითხვის საპასუხოდ განაცხადა.

„გვარამიას წარსული პირდაპირ უკავშირდება მედიის თავისუფლებების ხელყოფას – როდესაც „იმედში“ შეიჭრა სპეცრაზმი, ამის მთავარი შემფუთავი იყო გვარამია. როდესაც ასეთ კაცს ევროპარლამენტარები ხვდებიან, აჯილდოებენ კონკრეტული პრემიით, ეს დამოკიდებულებაზე მიანიშნებს და ადასტურებს იმას, რომ სალომე ზურაბიშვილმა შეასრულა დაკვეთა. ამ დაკვეთის მთავარი მიზანი იყო პოლარიზაციის გაღრმავება“, – განაცხადა კობახიძემ.