“ელენე ხოშტარია წარმატებით იდებს ჯიბეში რუსულ რუბლებს” – დავით მათიკაშვილი

“ფულს რომ სუნი არ ასდის, ამის კარგი მაგალითია ელენე ხოშტარიას შემთხვევა, რომელიც თავგამოდებით ყალბად ცდილობს, ტყუილები შეასაღოს საზოგადოებას და რაღაც რუსულ კვალს ეძებს იქ, სადაც არ არის”, – ამის შესახებ საპარლამენტო უმრავლესობის წევრმა, დავით მათიკაშვილმა ჟურნალისტებთან განაცხადა.

„სინამდვილეში, ის რუსულ რუბლებს წარმატებით იდებს ჯიბეში, რომელიც მოსკოვიდან ერიცხება. საზოგადოებამ შეაფასოს, რამდენად გულწრფელია ელენე ხოშტარია და სინამდვილეში რა მიზნები ამოძრავებს“, – განაცხადა დავით მათიკაშვილმა.

შეგახსენებთ, მედიაში გავრცელდა ინფორმაცია, რომლის მიხედვითაც, „ელენე ხოშტარიას ოჯახს რუსეთიდან 22 მაისს 2.5 მილიონზე მეტი რუსული რუბლი ჩაერიცხა“.