დონალდ ტრამპმა „დიდი შვიდეულის” სამიტი დაგეგმილზე ადრე დატოვა და ვაშინგტონში დაბრუნდა
დონალდ ტრამპმა „დიდი შვიდეულის” სამიტი დაგეგმილზე ადრე დატოვა და ვაშინგტონში დაბრუნდა.
„უნდა დავბრუნდე. ეს ძალიან მნიშვნელოვანია. რაც შეიძლება მალე უნდა დავბრუნდე. აშკარა მიზეზების გამო დროზე ადრე უნდა დავბრუნდე. ეს მნიშვნელოვანი საკითხია“, – აღნიშნა ტრამპმა.
დონალდ ტრამპის ვაშინგტონში დაბრუნებასთან დაკავშირებით განცხადება თეთრი სახლის პრესსპიკერმა, კეროლაინ ლევიტმაც გაავრცელა.
„პრეზიდენტ ტრამპს შესანიშნავი დღე ჰქონდა, დიდ ბრიტანეთის პრემიერ-მინისტრთან, კირ სტარმერთან მნიშვნელოვან სავაჭრო შეთანხმებასაც კი მოაწერა ხელი. ბევრი რამ მიღწეული იყო, მაგრამ ახლო აღმოსავლეთში მიმდინარე მოვლენების გამო, პრეზიდენტი ტრამპი დღეს საღამოს, ვახშმის შემდეგ ვაშინგტონში დაბრუნდება“, – წერს ლევიტი.
ამასთან, აშშ-ის სახელმწიფო დეპარტამენტის განცხადებაში აღნიშნულია, რომ დონალდ ტრამპთან ერთად ვაშინგტონში დაბრუნდა მარკო რუბიოც.
ამასთან, როგორც „სიენენი” წერს, დონალდ ტრამპმა აშშ-ის ეროვნული უსაფრთხოების თანამშრომლებს სიტუაციურ ოთახში შეკრება დაავალა.
