„დიდი შვიდეული“ ირანთან ბირთვული პროგრამის შესახებ მოლაპარაკებების განახლებისკენ მოუწოდებს
„დიდი შვიდეულის“ საგარეო საქმეთა მინისტრები ირანსა და ისრაელს შორის ცეცხლის შეწყვეტას მიესალმებიან და ოფიციალურ თეირანთან ბირთვული პროგრამის შესახებ შეთანხმების მიღწევის მიზნით მოლაპარაკებების განახლებისკენ მოუწოდებს. ინფორმაციას Reuters-ი ავრცელებს.
„მოვუწოდებთ მოლაპარაკებების განახლებისკენ, რომელიც ირანის ბირთვული პროგრამის შესახებ ყოვლისმომცველი, შემოწმებადი და ძლიერი შეთანხმებით უნდა დასრულდეს“, – ნათქვამია მინისტრების ერთობლივ განცხადებაში.
სააგენტო აღნიშნავს, რომ გასულ კვირას აშშ-ის პრეზიდენტმა, დონალდ ტრამპმა ისრაელთან და ირანთან ცეცხლის შეწყვეტის შესახებ განცხადება გააკეთა. ისრაელ-ირანის კონფლიქტი რეგიონში შეშფოთების საგნად იქცა.
ცეცხლის შეწყვეტის გამოცხადებამდე ვაშინგტონმა ირანის ბირთვული ობიექტები დაბომბა, ხოლო ირანმა საპასუხოდ კატარში მდებარე ამერიკულ ბაზას შეუტია.
Reuters-ის ცნობით, „დიდი შვიდეულის“ საგარეო საქმეთა მინისტრები მკაცრად მოუწოდებენ „ყველა მხარეს თავი აარიდოს ისეთ მოქმედებებს, რამაც, შესაძლოა, რეგიონის უფრო დიდი დესტაბილიზაცია გამოიწვიოს“.
