1. Home
  2. TOP სიახლე
  3. ბაკურიანში მთის ფერდობიდან თოვლის მასა ჩამოიშალა – სავარაუდოდ, ზვავში ერთი ადამიანია მოყოლილი
ბაკურიანში მთის ფერდობიდან თოვლის მასა ჩამოიშალა – სავარაუდოდ, ზვავში ერთი ადამიანია მოყოლილი

ბაკურიანში მთის ფერდობიდან თოვლის მასა ჩამოიშალა – სავარაუდოდ, ზვავში ერთი ადამიანია მოყოლილი

175
0

ბაკურიანში ძებნა-შველის ოპერაციაში სასაზღვრო პოლიციის ვერტმფრენიც ჩაერთვება, რომელიც დამატებით სამაშველო ჯგუფთან ერთად, თბილისიდან უკვე გაფრინდა.

როგორც საგანგებო სიტუაციების მართვის სამსახურში აცხადებენ, ოპერაციაში ჩართულია სამაშველო დრონები და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველები.

„შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები და შესაბამისი დანაყოფების წარმომადგენლები მობილიზებულები არიან ბორჯომის მუნიციპალიტეტში, დაბა ბაკურიანში, სადაც მთის ფერდობიდან ჩამოიშალა თოვლის მასა.

არსებული ინფორმაციით, ზვავში სავარაუდოდ მოყოლილია ერთი ადამიანი, რომლის ძებნა-შველის ოპერაციაში ჩართულია სამაშველო დრონები და საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მაშველები.

ასევე, სამაშველო ოპერაციაში ჩართვის მიზნით, დამატებით სამაშველო ჯგუფთან ერთად, თბილისიდან უკვე გაფრინდა შინაგან საქმეთა სამინისტროს სასაზღვრო პოლიციის ვერტმფრენი“, – აცხადებენ საგანგებო სიტუაციების მართვის სამსახურში.

ბაკურიანში თოვლის მასა ცოტა ხნის წინ მოწყდა და სავარაუდოდ ერთი ადამიანი მოიყოლა.