აზერბაიჯანის რიგგარეშე საპრეზიდენტო არჩევნებში ილჰამ ალიევი ლიდერობს

აზერბაიჯანის რიგგარეშე საპრეზიდენტო არჩევნებში ილჰამ ალიევი ლიდერობს.

ცენტრალური საარჩევნო კომისიის მონაცემებით, მოქმედ პრეზიდენტს ამომრჩეველთა ხმების 93% აქვს.

აზერბაიჯანის ცენტრალური საარჩევნო კომისიის ინფორმაციით, ბიულეტენები თითქმის სრულად დათვლილია.

მათივე ცნობით, ალიევს 2.7 მილიონზე მეტმა ამომრჩეველმა დაუჭირა მხარი.

აზერბაიჯანის რიგგარეშე არჩევნებში არჩევნებში, მის გარდა, კიდევ 6 კანდიდატი მონაწილეობდა, თუმცა მეორე ადგილზე გასულმა კანდიდატმა მხოლოდ 2% პროცენტი მიიღო.

მეორე ადგილი 1.8%-ით ზაჰიდ ორუჯმა დაიკავა, მე-3 ადგილზე კი მოსახლეობის 1.5%-ის მხარდაჭერით ფაზილ მუსტაფა გავიდა.

ამომრჩეველთა სიაში ექვსი მილიონ 478 ათას 623 ადამიანია. ქვეყნის მასშტაბით 6 537 საარჩევნო უბანი იყო გახსნილი. არჩევნებზე დასაკვირვებლად 90 000-ზე მეტი დამკვირვებელი იყო რეგისტრირებული.

არჩევნები ათწლეულების შემდეგ პირველად ჩატარდა ყარაბაღშიც. აზერბაიჯანის საპრეზიდენტო არჩევნებს აკვირდებოდა ქართული დელეგაციაც.