1. Home
  2. TOP სიახლე
  3. არავისთვის მიკადრებია თავდასხმა, შეურაცხყოფა, ყოველთვის ვარ თავდაცვის რეჟიმში-კახა კალაძემ “ფორმულას” ჟურნალისტს მიმართა
არავისთვის მიკადრებია თავდასხმა, შეურაცხყოფა, ყოველთვის ვარ თავდაცვის რეჟიმში-კახა კალაძემ “ფორმულას” ჟურნალისტს მიმართა

არავისთვის მიკადრებია თავდასხმა, შეურაცხყოფა, ყოველთვის ვარ თავდაცვის რეჟიმში-კახა კალაძემ “ფორმულას” ჟურნალისტს მიმართა

177
0

დედაქალაქის მერმა, კახა კალაძემ ჟურნალისტებს თავისუფალი პრესის მსოფლიო დღე მიულოცა და გუშინ მედიასაშუალების წარმომადგენელთან მომხდარ ინციდენტთან დაკავშირებით მედიის შეკითხვას უპასუხა.

კახა კალაძის თქმით, ჟურნალისტი არ უნდა აყენებდეს რესპონდენტს შეურაცხყოფას განსხვავებული მოსაზრებების მიუხედავად.

„დღეს არის პრესის საერთაშორისო დღე. პირველ რიგში, მინდა, მოგილოცოთ. თავისუფლება და დამოუკიდებლობა არ ნიშნავს, ადამიანს მიაყენო შეურაცხყოფა და უწოდო უტიფარი. ეს კატეგორიულად მიუღებელია. ჩვენ არ გვაქვს ის დამოკიდებულება, რომ ერთმანეთს ამ ტერმინოლოგიით მივმართოთ. შეიძლება, პოლიტიკოსი ვიყო, შეიძლება, განსხვავებული მოსაზრებები მქონდეს, მაგრამ არ გაქვთ უფლება, ელემენტარული ურთიერთობიდან გამომდინარე, შეურაცხყოფა მომაყენოთ ან მე, ან სხვა კონკრეტულ პოლიტიკოსს.

შეურაცხყოფა მომაყენონ და მე თავი დაგიხაროთ?! როდესაც ადამიანს ეუბნებით, რომ უტიფრად იტყუება, მე თქვენ არ გაკადრებთ ასეთ რამეს. შეიძლება, გვქონდეს განსხვავებული მოსაზრებები. რამდენჯერ ყოფილა, რომ „ტვ პირველთან“ შევსულვარ პოლემიკაში, მაგრამ არასდროს არ გვიკადრებია ერთმანეთისთვის მსგავსი შეურაცხყოფა. კიდევ ერთხელ ვიმეორებ, მე არავისთვის არასდროს მიკადრებია, თავს დავსხმოდი, შეურაცხყოფა მიმეყენებინა, ყოველთვის ვარ თავდაცვის რეჟიმში. ამიტომ, თუ იქნება ჩემ მიმართ შეურაცხყოფა, მერწმუნეთ, რომ იმავეს დაგიბრუნებთ“, – განაცხადა კახა კალაძემ.