„ადგილობრივი თვითმმართველობის არჩევნებში მონაწილეობას საერთოდ არ განვიხილავთ“ – ანა წითლიძე

ადგილობრივი თვითმმართველობის არჩევნებში მონაწილეობას საერთოდ არ განვიხილავთ, – ამის შესახებ „ერთიანობა – ნაციონალური მოძრაობა“ პოლიტიკური საბჭოს წევრმა, ანა წითლიძემ „ღამის კურიერის“ ეთერში განაცხადა.

მისი თქმით, ოპოზიციის სტრატეგია არის ბრძოლა.

„რაც შეეხება ადგილობრივი თვითმმართველობის არჩევნებს, 13 წლის განმავლობაში და ბოლო წლებში, რასაც ახლა ოპოზიცია უძლებს, წარმოუდგენელია. გარანტიას ვდებ, რომ „ქართული ოცნება,“ როდესაც აღარ იქნებიან ხელისუფლებაში, ერთ დღეში დაიშლებიან და ერთმანეთის წინააღმდეგ მისცემენ ჩვენებებს. შესაბამისად, ადგილობრივი თვითმმართველობის არჩევნებში მონაწილეობას ჩვენ საერთოდ არ განვიხილავთ.

გადარჩენა არის ბრძოლაში, ეს ბრძოლა შეიძლება იყოს მოკლე და შეიძლება იყოს ხანგრძლივი. შესაბამისად, რა დრო დასჭირდება ამას, რომ რეჟიმი ჩამოშალო, ამის თქმა არ შეუძლია არავის. სტრატეგია არის ბრძოლა. ჩვენი ღრმა რწმენით და „ნაციონალური მოძრაობა“ამაში მტკიცედ ვდგავართ, იმიტომ, რომ ეს არის ჩვენი 13-წლიანი გამოცდილების შედეგი – არ არსებობს არანაირ არჩევნებში შეყოლა ბიძინა ივანიშვილის,“ – აღნიშნა ანა წითლიძემ.