პუტინი და ზელენსკი ზეთი და ძმარივით არიან – ტრამპი
ვლადიმირ პუტინთან ალასკაში შეხვედრიდან ერთი კვირის შემდეგ, პრეზიდენტმა დონალდ ტრამპმა ვოლოდიმირ ზელენსკისა და პუტინის შეხვედრის ორგანიზების შესაძლებლობაზე კონკრეტული პასუხი არ გასცა და თქვა, რომ ისინი „ზეთი და ძმარივით არიან“.
„ისინი კარგად ვერ ეწყობიან ერთმანეთს, აშკარა მიზეზების გამო, მაგრამ ვნახოთ. და შემდეგ ვნახავთ, დამჭირდება თუ არა მე იქ ყოფნა“, – განაცხადა ტრამპმა.
აშშ-ის პრეზიდენტის ეს განცხადება მას შემდეგ გაკეთდა, რაც დღეს რუსეთის საგარეო საქმეთა მინისტრმა, სერგეი ლავროვმა თქვა, რომ ორ ლიდერს შორის შეხვედრის გეგმა არ არსებობს.
ტრამპმა მიმდინარე კვირის დასაწყისში განაცხადა, რომ პუტინი და ზელენსკი შეხვდებოდნენ ერთმანეთს. თუმცა, ეს გეგმები ჯერ არ განხორციელებულა და აშშ-ს აშკარა პროგრესი არ აქვს მიღწეული ორი მხარის პირდაპირ მოლაპარაკებებზე დაყოლიებაში.
