ევროპის მომავალი არ უნდა გადაწყდეს ვაშინგტონში ან მოსკოვში-ემანუელ მაკრონი

ევროპის მომავალი არ უნდა გადაწყდეს ვაშინგტონში ან მოსკოვში, – ამის შესახებ საფრანგეთის პრეზიდენტმა, ემანუელ მაკრონმა განაცხადა.

მაკრონის თქმით, საჭიროა თავდაცვაში დამატებითი ინვესტიციების განხორციელება გადასახადების გაზრდის გარეშე.

„ჩვენ მოგვიწევს ახალი საბიუჯეტო არჩევანის გაკეთება და დამატებითი ინვესტიციები, რომლებიც ახლა აუცილებელი გახდა. ეს იქნება ახალი ინვესტიციები, რომლებიც საჭიროებენ კერძო დაფინანსების მობილიზებას, მაგრამ ასევე საჯარო დაფინანსებას გადასახადების გაზრდის გარეშე. ამისთვის რეფორმები იქნება საჭირო.

ჩვენ ვრჩებით ნატო-სა და ამერიკის შეერთებულ შტატებთან პარტნიორობის ერთგული, მაგრამ მეტი უნდა გავაკეთოთ. აუცილებელია დამოუკიდებლობის განმტკიცება თავდაცვისა და უსაფრთხოების საკითხებში. ევროპის მომავალი არ უნდა გადაწყდეს ვაშინგტონში ან მოსკოვში“, – განაცხადა მაკრონმა.