იანვრის ბოლოს საქართველოს ვეწვევი, რათა ქვეყანა 2025 წლის მსოფლიო მშვიდობის სამიტისთვის მოვამზადო -კიმბერლი ლოუ
იანვრის ბოლოს ვეწვევი საქართველოს, როგორც მსოფლიო მშვიდობის სამიტის თანაორგანიზატორი, რათა მოვამზადო ქვეყანა 2025 წლის სამიტისთვის,- ამის შესახებ ამერიკის რეკომენდებული კანდიდატი ევროკავშირში, კიმბერლი ლოუ სოციალურ ქსელში წერს.
მისივე თქმით, მსოფლიო სამშვიდობო სამიტი უმასპინძლებს რამდენიმე ძალიან ისტორიულ სამშვიდობო მოლაპარაკებებს და ხელს შეუწყობს საქართველოს ერთიანობისა და მსოფლიო უსაფრთხოების, მათ შორის აშშ-ის ეროვნული უსაფრთხოების საკითხს.
კიმბერლი ლოუმ საქართველოში ვიზიტის რამდენიმე მიზანს გაუსვა ხაზი.
“ჩემი ვიზიტის მიზანი:
1. გაიმართოს პირველი გაცნობითი ხასიათის შეხვედრები საქართველოს ეკლესიის წარმომადგენლებთან, ბიზნეს სექტორის, პარლამენტის და საქართველოს მთავრობის წარმომადგენლებთან.
2. განვიხილოთ საქართველოში ინიციირებული ყოველწლიური სამშვიდობო ფორუმისა და სხვა რეგიონალური სამშვიდობო ინიციატივების არსებული შედეგები.
3. მოვითხოვოთ საქართველოს მასპინძლობა ისტორიული სამშვიდობო მოლაპარაკებებისთვის, რამდენიმე დღის განმავლობაში (კონკრეტული დეტალები მოგვიანებით გახდება ცნობილი)”,- აღნიშნავს აშშ-ის რესპუბლიკური პარტიის წევრი.
მშვიდობის მსოფლიო ფორუმის თანაორგანიზატორი საქართველოში აცხადებს, რომ ის და მისი გუნდის წევრები იმუშავებენ და მოამზადებენ საჭირო ლოგისტიკურ და ორგანიზაციულ საკითხებს.
“საქართველოში მშვიდობის მსოფლიო ფორუმის პირველ პრეზენტაციაზე მოწვეულნი იქნებიან პრეზიდენტი დონალდ ტრამპი და სხვა მსოფლიო ლიდერები, მათ შორის საერთაშორისო ორგანიზაციების წარმომადგენლები, ევროპარლამენტის წევრები ევროკავშირის შიგნით და მის ფარგლებს გარეთ, მთავრობის წევრები/წარმომადგენლები შეერთებული შტატებიდან, კანადიდან, სამხრეთ ამერიკიდან. საქართველოს, ახლო აღმოსავლეთის, ცენტრალური აზიის, სამხრეთ აზიისა და ავსტრალიის მეზობელი ქვეყნები მსოფლიო წარმომადგენლობით”,- წერს კიმბერლი ლოუ.
