4 სექტემბრის ასტროლოგიური პროგნოზი
რას გვირჩევენ ვარსკვლავები 4 სექტემბრისთვის ჯანმრთელობის, ბიზნესის და სიყვარულის მიმართულებით?
ვერძი
ყველა პრობლემა რომ დაძლიოთ და სასურველ შედეგს მიაღწიოთ, ამ დღეს თქვენი საუკეთესო საქმიანი თვისებები უნდა გამოავლინოთ. ეცადეთ, ცოტა მეტი იაქტიუროთ, რათა საჭირო ადამიანების ყურადღება მიიქციოთ. საკუთარ ინტუიციას მეტი უნდა უსმინოთ, ვიდრე გარშემო მყოფებს. როგორც არ უნდა გაჩქარებდნენ, მშვიდად იმუშავეთ და ურთიერთობები შეზღუდეთ, რომ დაპირისპირება თავიდან აიცილოთ.
კურო
რაც უფრო მეტ ადამიანს დაუკავშირდებით, აზრებს გაცვლით და აქტუალურ პრობლემებს განიხილავთ, მით უფრო წარმატებული იქნება ეს დღე. თუ რაღაც არ გამოდის, შეისვენეთ და სიტუაციას მეორე მხრიდან შეხედეთ. თქვენი პრინციპულობა დღეს სარგებელს არ მოგიტანთ, ვითარება მალე შეიცვლება. ნუ მისცემთ გარშემო მყოფებს თქვენით მანიპულირების საშუალებას, მაგრამ თუ დახმარება შეგიძლიათ, უნდა დაეხმაროთ.
ტყუპები
კოლეგებთან ან საქმიან პარტნიორებთან შეხვედრა საშუალებას მოგცემთ, რომ საჭირო ინფორმაცია მიიღოთ. კარგი დღეა ძველი პროექტების დასასრულებლად. ვარსკვლავები გირჩევენ, რომ სანამ მოქმედებას დაიწყებთ, ყველა სიტყვა და ინფორმაცია კარგად გადაამოწმოთ. პლანეტების განლაგება და ოპტიმიზმი დაწყებული საქმის წარმატებით დასრულებაში დაგეხმარებათ. დროა, მავნე ჩვევებისგან გათავისუფლდეთ და ვარჯიში დაიწყოთ.
კირჩხიბი
ამ დღეს სასურველი შედეგის მიღწევას მხოლოდ გუნდური მუშაობით შეძლებთ. იმისათვის, რომ ყველაფერი დროულად მოასწროთ და შეცდომები თავიდან აიცილოთ, სამოქმედო გეგმა უნდა შეადგინოთ. რაც შეიძლება მეტის და რაც შეიძლება სწრაფად გაკეთების სურვილმა შეიძლება ბევრი შეცდომა გამოიწვიოს. გირჩევთ ვარდისფერი სათვალე მოიხსნათ, ღრუბლებიდან მიწაზე დაეშვათ და რეალური პრობლემები დაინახოთ.
ლომი
გირჩევთ ნებისმიერი მოწვევა მიიღოთ და რაც შეიძლება მეტი ახალი ადამიანი გაიცნოთ. ახლობელმა ადამიანმა შეიძლება თავისი საქციელით გაგაკვირვოთ ან გაგაბრაზოთ. ნუ გამოიტანთ ნაჩქარევ დასკვნებს, სანამ სიტუაციის შესახებ მეტი ინფორმაცია არ გექნებათ. მოემზადეთ იმისთვის, რომ ამ დღეს, მუშაობის გარდა, საყოფაცხოვრებო საკითხის მოგვარება და საყვარელ ადამიანებზე ზრუნვა მოგიწევთ.
ქალწული
თქვენი შრომისმოყვარეობა და მიზანსწრაფულობა მიზნის მიღწევაში დაგეხმარებათ. ეცადეთ, თქვენი მაღალი პროფესიონალიზმი დაამტკიცოთ. ვარსკვლავების ხელსაყრელი განლაგება დაგეხმარებათ, კარიერული წინსვლისკენ დიდი ნაბიჯი გადადგათ. საღამოს სასურველია, მასაჟზე ან აუზზე წასვლა დაგეგმოთ. სასიამოვნო პროცედურების წყალობით ენერგიის აღდგენას და ფიზიკური ფორმის გაუმჯობესებას შეძლებთ.
სასწორი
ეცადეთ, ეს დღე აქტიურად და მხიარულად გაატაროთ, მაგრამ უსარგებლო საქმეებზე დროს ნუ დაკარგავთ. ამით დროსაც დაზოგავთ და უსიამოვნებებსაც თავიდან აიცილებთ. ნუ მოგერიდებათ, რომ საკუთარ უნარებზე და მიღწევებზე საჯაროდ ისაუბროთ, ახალი ადამიანები გაიცნოთ და ახალი პროექტები დაგეგმოთ. ხელსაყრელი დროა სამომავლოდ გადადებული საქმეების დასრულებისთვის, მით უმეტეს, რომ ენერგიით სავსე ხართ და აქტიური მოქმედების სურვილით იწვით.
მორიელი
შეწყვიტეთ ქარაგმებით ლაპარაკი და ხალხით მანიპულირება. თუ რამე გინდათ, ამაზე ღიად და გულწრფელად უნდა ისაუბროთ. ეცადეთ, ოჯახს მეტი ყურადღება მიაქციოთ – საყვარელ ადამიანებს თქვენი მხარდაჭერა სჭირდებათ. გსურთ თუ არა, ბევრი უსიამოვნო საკითხის მოგვარება და რთული დავალების შესრულება მოგიწევთ. ვარსკვლავები გირჩევენ, რომ საკუთარი პრინციპები და შეხედულებები დაიცვათ.
მშვილდოსანი
საყვარელ ადამიანებთან ურთიერთობის დროს ეცადეთ, სიტყვები აკონტროლოთ, რათა ვიღაცას დაუმსახურებლად გული არ ატკინოთ. ყურადღებით უსმინეთ გამოცდილი ადამიანების რჩევებს – ამ დღეს მიღებული ინფორმაცია ძალიან გამოგადგებათ. მოერიდეთ ძვირად ღირებული ნივთების შეძენას, მით უმეტეს, თუ მათ გარეშეც თავს მშვენივრად გრძნობთ. ახლა ყველაზე მეტად პოზიტიური ადამიანების გარემოცვაში ყოფნა და საყვარელი საქმეების კეთება გჭირდებათ.
თხის რქა
ვარსკვლავები გირჩევენ, რომ შინაგანი რესურსები რაციონალურად გამოიყენოთ. ეცადეთ, სამსახურში არ გადაიღალოთ, წინააღმდეგ შემთხვევაში, ეს თქვენს ჯანმრთელობაზე უარყოფითად იმოქმედებს. თქვენი ინიციატივები ჯერჯერობით არავის მოსწონს, ამიტომ გირჩევთ სამომავლოდ შეინახოთ. გირჩევთ, სათადარიგო გეგმა მოამზადოთ, რომ შეფერხების შემთხვევაში დრო არ დაკარგოთ.
მერწყული
თქვენი ხანგრძლივი და დაძაბული შრომა ამ დღეს სათანადოდ დაფასდება. შეიძლება ფინანსური ბონუსი ან სასიამოვნო სიურპრიზი მიიღოთ. მუშაობაში შემოქმედებითი უნარები და მდიდარი ფანტაზია დაგეხმარებათ. რთულ სიტუაციებში უსმინეთ საკუთარ ინტუიციას. დროა, დამატებითი შემოსავლის წყარო მოძებნოთ.
თევზები
ყურადღება მიაქციეთ საქმეს, რომელიც დიდი ხნის წინ თაროზე შემოდეთ და დაივიწყეთ. ენერგიით სავსე ხართ და ურთულესი საკითხების გადაჭრა შეგიძლიათ. პირად ურთიერთობებში ეძებეთ კომპრომისები და საყვარელ ადამიანებზე ზეწოლას მოერიდეთ.
