23 მაისის ასტროლოგიური პროგნოზი

ვერძი

საქმეზე ყურადღების კონცენტრირება და დაწყებულის დასრულება გიჭირთ, რაც ძალიან გაღელვებთ და გაღიზიანებთ. მზად იყავით კრიტიკის მოსასმენად და ეცადეთ, სიმშვიდე შეინარჩუნოთ. რასაც არ უნდა აკეთებდეთ, გახსოვდეთ, რომ წვრილმანებს ყურადღება უნდა მიაქციოთ და არაფერი გამოგეპაროთ. ნუ ენდობით ადამიანს, რომელიც თქვენი ნდობის მოპოვებას ძალიან დაჟინებით ცდილობს.

კურო

წარმატების მიღწევა ყოველთვის ადვილი არ არის. შესაძლოა, გარისკვა და რთული არჩევანის გაკეთება მოგიწიოთ. ამ დღეს მხოლოდ საკუთარ ძალებს უნდა დაეყრდნოთ, რადგან დახმარება ძალიან დააგვიანებს. მოერიდეთ პირად ურთიერთობებთან დაკავშირებით მნიშვნელოვანი გადაწყვეტილებების მიღებას – ამ დღეს გრძნობებში გარკვევა გიჭირთ.

ტყუპები

ამ დღეს თქვენი იდეებით შეიძლება გავლენიანი ადამიანები დაინტერესდნენ. შედეგად, ისეთ მხარდაჭერას მიიღებთ, როგორზეც ვერც იოცნებებდით. ახლობელ ადამიანებთან ერთად მნიშვნელოვან საკითხს განიხილავთ და ყველასთვის მისაღებ გამოსავალს იპოვით. ხელსაყრელი დღეა ფინანსური საკითხების მოსაგვარებლად. მოგებიანი გარიგებების დადებას კომერციისგან შორს მდგარი ტყუპებიც კი შეძლებენ.

კირჩხიბი

წინააღმდეგობრივი დღეა. იმაზე მეტი საქმე გექნებათ, ვიდრე ელოდით და ნაკლებად სავარაუდოა, რომ მათი დასრულება შეძლოთ. ადამიანებმა, რომლებიც დახმარებას დაგპირდნენ, შეიძლება რთულ დროს პრობლემებთან მარტო დაგტოვონ. თუმცა, მათ არ ადანაშაულებთ, რადგან ხვდებით, რომ სხვაგვარად შეუძლებელი იყო. ფინანსურ საკითხებში ეცადეთ, სიფრთხილე გამოიჩინოთ. გახსოვდეთ, რომ ნაჩქარევი გადაწყვეტილებები აუცილებლად დანაკარგებს გამოიწვევს.

ლომი

ამ დღეს შანსი გაქვთ, რომ კონფლიქტები მოაგვაროთ და თავი დააღწიოთ იმას, რაც წინსვლაში ხელს გიშლით. უსმინეთ საკუთარ ინტუიციას – თუ ამას გააკეთებთ, უმნიშვნელო საკითხებზე ნერვიულობა და უსარგებლო საუბრებზე დროის დაკარგვა აღარ მოგიწევთ. შეიძლება მოულოდნელი ფინანსური შემოსავალი მიიღოთ.

ქალწული

ნაკლებად ნაყოფიერი, მაგრამ სასიამოვნო დღეა. გარშემო მყოფებთან საერთო ენის პოვნას და შეთანხმებას ადვილად ახერხებთ. შეიძლება ახალი თანამოაზრეები აღმოაჩინოთ და გრძელვადიან თანამშრომლობაზეც შეთანხმდეთ, მაგრამ მზად იყავით, რომ მოგვიანებით მისი პირობები გადაიხედება. ამ დღეს თუ არ იზარმაცებთ ძველი შეცდომების გამოსწორებას შეძლებთ.

სასწორი

თუ სხვების აზრს ანგარიშს არ გაუწევთ, ამას შეიძლება სერიოზული პრობლემები მოჰყვეს. შეეცადეთ, თქვენთვის მნიშვნელოვანი ურთიერთობები შეინარჩუნოთ. მოერიდეთ დაპირებების გაცემას და ახალი ვალდებულებების აღებას. განსაკუთრებით თუ ეს ფულს ეხება. გახსოვდეთ, ამ დღეს ფინანსურ საკითხებში განსაკუთრებული სიფრთხილე უნდა გამოიჩინოთ. ნივთის შეძენამდე ან გარიგების დადებამდე ყველაფერი კარგად უნდა აწონ-დაწონეთ და თუ საჭიროა, რჩევა გამოცდილ ადამიანებს სთხოვეთ.

მორიელი

თუ გრძნობთ, რომ რაღაც ისე არ ხდება, როგორც თქვენ გსურთ, ეცადეთ, გეგმები სწრაფად შეცვალოთ, რათა გარემოებები თქვენს სასარგებლოდ შემოაბრუნოთ. მოსალოდნელია უთანხმოება კოლეგებთან და უფროსებთან. მზად იყავით იმისთვის, რომ საკუთარი პოზიციის დაცვა რთული იქნება. მოგვიანებით სიტუაცია უკეთესობისკენ შეიცვლება. სავარაუდოდ, შემოსავლის ახალი წყაროს პოვნის შანსი გაჩნდება. საღამოს სასიამოვნო ამბებს უნდა ელოდოთ.

მშვილდოსანი

მშვენიერი დღეა მოკავშირეების პოვნისა და მათთან ძალების გაერთიანებისთვის. შეგიძლიათ საერთო გეგმებისა და ერთობლივი ღონისძიებების განხორციელება დაიწყოთ. მიუხედავად იმისა, რომ უდავო ლიდერი ხართ, გირჩევთ, სხვების მოსაზრებებიც გაითვალისწინოთ. პოზიტიური ემოციების წყურვილი დაუფიქრებელი მოქმედებისკენ გიბიძგებთ, რომელსაც მალე ინანებთ. თავი შეიკავეთ დაუგეგმავი ხარჯებისგან და ეცადეთ, ფულის დაგროვება დაიწყოთ.

თხის რქა

მშვიდი და სასიამოვნო დღეა. მიმდინარე საქმეებს სწრაფად გაუმკლავდებით და საშუალება გექნებათ, ურთიერთობა დაამყაროთ ადამიანთან, რომელიც დიდი ხანია გაინტერესებთ. ამით საინტერესო ურთიერთობა დაიწყება. შეიძლება გარკვეული პრობლემები წარმოიშვას, რომელთა მოგვარებაში ძველი ნაცნობები დაგეხმარებიან.

მერწყული

სირთულეებით სავსე, დაძაბული დღეა. ვარსკვლავები გირჩევენ არ დანებდეთ, თუნდაც მოვლენები თქვენთვის წამგებიანი სცენარით განვითარდეს. მიზანს აუცილებლად მიაღწევთ, მაგრამ ისე სწრაფად არა, როგორც გსურთ. სიფრთხილე გამოიჩინეთ ადამიანებთან, რომლებიც თქვენი ნდობის მოპოვებას ცდილობენ. ამ ადამიანებმა შეიძლება გამოიყენონ და გიღალატონ.

თევზები

ამ დღეს შეიძლება დიდ წარმატებას მიაღწიოთ. მთავარია, გამძლეობა და თავდაჯერება გამოიჩინოთ. აკეთეთ ის, რასაც საჭიროდ ჩათვლით და გარშემო მყოფთა აზრს ყურადღებას ნუ აქცევთ. ეცადეთ კრიტიკას მშვიდად მოეკიდოთ და შენიშვნებმა არ გაგანაწყენოთ. ხელსაყრელი დღეა ფინანსური საკითხების მოსაგვარებლად. ამ სფეროში ინტუიცია არ გიღალატებთ – ყველაზე სარისკო გადაწყვეტილებებიც კი წარმატებული იქნება.