21 მაისის ასტროლოგიური პროგნოზი

ამ დღეს განსაკუთრებულ შედეგებს არ უნდა ელოდოთ – საქმეს გულს ვერ უდებთ. ირგვლივ მყოფები ან უცნაურ რჩევებს გაძლევენ, ან ინიციატივას იჩენენ, როდესაც ეს არავის სჭირდება. ყველაფერთან ერთად, სრულიად უინტერესო და მოსაწყენ საქმეზე მუშაობა გიწევთ. მოერიდეთ საეჭვო პროექტებში ჩართვას და საყვარელ ადამიანთან დაკავშირებით მნიშვნელოვანი გადაწყვეტილების მიღებას. პრობლემების განხილვამ შეიძლება სერიოზული კონფლიქტი გამოიწვიოს.

კურო

დღის დასაწყისი საინტერესო, მაგრამ დაძაბული იქნება. უსიამოვნო სიურპრიზების მიუხედავად, რთული ვითარებიდან გამოსავალს სწრაფად იპოვით. ახალ ნაცნობებს თავს ადვილად მოაწონებთ და მათ მხარდაჭერას მიიღებთ. საყვარელ ადამიანთან ურთიერთობა სიხარულით გავსებთ. შესაძლოა, ამ დღეს ერთობლივად საინტერესო გეგმები შეიმუშაოთ.

ტყუპები

დღის პირველ ნახევარში მნიშვნელოვანი საკითხების მოგვარებას ადვილად შეძლებთ. სულ ერთია, მარტო იმოქმედებთ თუ მოკავშირესთან ერთად. შეგიძლიათ ვარსკვლავების მხარდაჭერის იმედი გქონდეთ. გამორიცხული არ არის, რომ საქმიანმა პარტნიორებმა შეთანხმების პირობები დაარღვიონ და გეგმების შეცვლა მოგიწევთ. დღის მეორე ნახევარში მოულოდნელი სტუმრები ან მოულოდნელი სიახლეები გელით.

კირჩხიბი

ფინანსურ საკითხებში განსაკუთრებული ყურადღება უნდა გამოიჩინოთ – გამორიცხული არ არის, რომ დაუფიქრებლად უსარგებლო საგანი შეიძინოთ და დიდი ფული გადაიხადოთ. ზოგ კირჩხიბს სამართლებრივი პრობლემების მოგვარება მოუწევს, რომლის შესახებ ამ დრომდე არაფერი იცოდა. ახლობლებთან ურთიერთობა დაძაბულია, რაშიც თავად ხართ დამნაშავე. ეცადეთ, სხვა ადამიანების მოსმენა და მათი აზრის გათვალისწინება ისწავლოთ.

ლომი

თუ სიმშვიდეს შეინარჩუნებთ, წარმატებას მიაღწევთ. მით უმეტეს, რომ სირთულეები არც ისე სერიოზულია, როგორც ფიქრობთ. ეცადეთ, იღბლიანი შემთხვევა საკუთარი მიზნებისთვის გამოიყენოთ. ფრთხილად იყავით ფულთან და ხარჯები შეძლებისდაგვარად შეამცირეთ. დღის მეორე ნახევარი ხელსაყრელია გავლენიან ადამიანებთან ურთიერთობის, პროფესიული საკითხების განხილვისა და კარიერული წინსვლისთვის. შეიძლება მაცდური შეთავაზება მიიღოთ.

ქალწული

მიზნების მისაღწევად ყველაფრისთვის მზად ხართ. დღის პირველ ნახევარში იპოვით საშუალებას, რომ არაკეთილის მსურველები დასაჯოთ და საკუთარი ინტერესები დაიცვათ. ზოგჯერ საკმაოდ ხისტად მოქმედება გიწევთ, მაგრამ დარწმუნებული ხართ, რომ სწორად იქცევით. ეცადეთ როგორც საქმიან, ასევე პირად ურთიერთობებში ინიციატივა ხელში აიღოთ.

სასწორი

წინააღმდეგობრივი დღეა. ზოგჯერ გეჩვენებათ, რომ მიზანს მიაღწიეთ, მაგრამ დაბრკოლებები ჩნდება, რომელთა გადალახვა გიჭირთ. უცნაურია, მაგრამ ყველაზე რთულ დროს თქვენ წინაშე ახალი პერსპექტივები გაიხსნება და სერიოზული წარმატების შანსი გაჩნდება. ნებისმიერ სიტუაციაში წინ უნდა იაროთ. თუ შეჩერდებით, შეიძლება არახელსაყრელ ვითარებაში აღმოჩნდეთ.

მორიელი

მშვიდი დღეა. მისგან შთამბეჭდავ ემოციებს ან დიდ გამარჯვებებს არ უნდა ელოდოთ. ეცადეთ, დაასრულოთ საქმე, რომელიც დიდი ხნის წინ დაიწყეთ. ნუ აჩქარდებით, რომ შეცდომა თავიდან აიცილოთ. დროა, საყვარელ ადამიანებთან ერთად სამომავლო გეგმები განიხილოთ. შესაძლოა, დამატებითი შემოსავლის მიღების შანსი გაგიჩნდეთ. მოითმინეთ და ნუ ეცდებით ყველაფერი ერთდროულად მიიღოთ, თორემ უფრო მეტს დაკარგავთ.

მშვილდოსანი

ენერგიით სავსე ხართ, მზად ხართ ინიციატივა ხელში აიღოთ და საკუთარი იდეებით გარშემო მყოფები შთააგონოთ. ამ დღეს ისეთ ადამიანებსაც კი იზიდავთ, რომლებიც ურთიერთობებს გაურბიან და ეს ადამიანები განსაკუთრებით დაგეხმარებიან. ეცადეთ, საღამოს გამაჯანსაღებელი პროცედურების ან სპორტისთვის დრო გამონახოთ. ეს თქვენს განწყობასა და ჯანმრთელობაზე დადებითად აისახება და შეძლებთ ბევრ რამეს უფრო ოპტიმისტურად შეხედოთ. მზად იყავით მოულოდნელი სტუმრებისა და დაუგეგმავი შეხვედრისთვის, რომელზეც რაღაც სიახლეს შეიტყობთ.

თხის რქა

ამ დღეს შეიძლება რთულ ვითარებაში აღმოჩნდეთ და ძლიერი ოპონენტებისგან საკუთარი ინტერესების დაცვა მოგიწიოთ, თუმცა ვარსკვლავების დახმარებით ყველა გამოწვევას ღირსეულად გადალახავთ და სასარგებლო გამოცდილებას შეიძენთ. ოჯახში და საყვარელ ადამიანთან ურთიერთობაში სასიამოვნო ცვლილებები გელით. ეცადეთ, წვრილმანებზე არ ინერვიულოთ და მომავალს ოპტიმიზმით შეხედოთ.

მერწყული

დაძაბული, მაგრამ ძალიან საინტერესო დღეა. მოვლენები იმდენად სწრაფად ვითარდება, რომ გეგმების ხშირად შეცვლა და გადაწყვეტილებების სწრაფად მიღება მოგიწევთ. უსმინეთ საკუთარ ინტუიციას და ყველაფერი კარგად იქნება. საქმიან მოლაპარაკებებზე სასურველ მიზანს მიაღწევთ, რადგან თანამოსაუბრეებზე სწორი შთაბეჭდილების მოხდენას შეძლებთ. ზოგჯერ საყვარელ ადამიანებთან საერთო ენის პოვნა უფრო რთულია, ვიდრე უცნობებთან – შეურაცხმყოფელია, როდესაც ყველაზე ახლობელ ადამიანებს თქვენს სიტყვებში ეჭვი ეპარებათ.

თევზები

შესაძლოა, ამ დღემ ბევრი პრობლემა მოგიტანოთ, მაგრამ ყველაფერს სწრაფად გაუმკლავდებით. თქვენ გონიერი ადამიანი ხართ და იქ, სადაც სხვები მარცხდებიან, წარმატებას მიაღწევთ. ნუ გაგიკვირდებათ, თუ გარშემო მყოფები რჩევისთვის ხშირად გაკითხავენ – ბევრს სურს თქვენი მიღწევები გაიმეოროს.