17 დეკემბრის ასტროლოგიური პროგნოზი

ვერძი

მოულოდნელად წარმოქმნილი პრობლემების გადალახვა მოგიწევთ. ამასთან, სიმშვიდე და საქმის მიმართ კონსტრუქციული მიდგომა უნდა შეინარჩუნოთ. ამ დღეს წვრილმანები მნიშვნელოვან როლს თამაშობს, ამიტომ მეტი ყურადღება უნდა მიაქციოთ. გირჩევთ, კამათის დროს მოწინააღმდეგეზე ზეწოლას მოერიდოთ. სასურველი შედეგის მისაღწევად მეტი მოქნილობა და დიპლომატიური თვისებები უნდა გამოიჩინოთ.

კურო

მშვიდად იმოქმედეთ და ეცადეთ, მოვლენები არ დააჩქაროთ. სასურველია, რომ სამომავლო გეგმები, შესაბამისად, კოლეგებთან და ოჯახთან ერთად განიხილოთ. მიზნის მიღწევაში საჭირო ადამიანებთან ურთიერთობა დაგეხმარებათ. დღის მეორე ნახევარში სასურველია, ბინის ძველი ნივთებისგან დააცლა დაგეგმოთ.

ტყუპები

ამ დღეს ახალ გარემოებებთან შეგუება მოგიწევთ. ეცადეთ, ღრუბლებიდან მიწაზე დაეშვათ და თქვენ გარშემო მიმდინარე მოვლენები ობიექტურად შეაფასოთ. ვარსკვლავები გირჩევენ, საქმიანი შეხვედრებისა და დისკუსიებისთვის მოემზადოთ. აქტიური პოზიცია უნდა დაიკავოთ, თუ გსურთ, რომ სასურველს უფრო სწრაფად მიაღწიოთ.

კირჩხიბი

მოერიდეთ საეჭვო ადამიანებთან ურთიერთობას და სარისკო საქმეებს, თუნდაც ახლო მეგობრებმა შემოგთავაზონ. ამ დღეს ნებისმიერ საქმეში სიფრთხილე და ყურადღება უნდა გამოიჩინოთ. წინააღმდეგ შემთხვევაში, შედეგებზე პასუხისმგებლობის აღება და სხვა ადამიანების პრობლემების მოგვარება მოგიწევთ. გადაწყვეტილების მიღებისას ეცადეთ, გარშემო მყოფი ადამიანების განწყობა გაითვალისწინოთ, რომ თქვენი ერთობლივი საქმიანობა ნაყოფიერი იყოს.

ლომი

თქვენი ცხოვრების ზოგიერთ ასპექტს მეტი ყურადღება სჭირდება. ეცადეთ, სამოქმედო გეგმა შეადგინოთ და პრიორიტეტები განსაზღვროთ. ვარსკვლავები გირჩევენ, რომ მთელი ყურადღება პერსპექტიულ საქმეებზე მიმართოთ, რომლებიც უახლოეს მომავალში შემოსავალს ან პროფესიულ წარმატებას მოგიტანთ.

ქალწული

ამ დღეს მთელი ყურადღება ფინანსური საკითხების მოგვარებაზე გაქვთ გადატანილი. მნიშვნელოვანი გადაწყვეტილებების მიღებისას ენდეთ საკუთარ ინტუიციას და ის სწორ პასუხს გაგცემთ. გირჩევთ, დროდადრო დაძაბულ სამუშაოს მოწყდეთ და დაისვენოთ. აჩქარება, პრობლემების გარდა, არაფერს მოგიტანთ, ამიტომ მშვიდად და თანმიმდევრულად იმოქმედეთ.

სასწორი

დღის პირველი ნახევარი მშვიდი და პასიური იქნება, ამიტომ საქმეზე კონცენტრირება გაგიჭირდებათ. თუ შესაძლებელია, ყველა მნიშვნელოვანი შეხვედრა და დავალება შუადღისთვის დაგეგმეთ, როდესაც სასიცოცხლო ენერგიით სავსე იქნებით. ახალი პროექტის დაწყებისგან თავი შეიკავეთ, სანამ ძველი პროექტებს არ დაასრულებთ.

მორიელი

ამ დღეს სიჩქარის გამო შეიძლება სერიოზული შეცდომა დაუშვათ, რომელიც ბევრ ადამიანს და, პირველ რიგში, თქვენ დაგაზარალებთ. ამიტომ ნელა იმოქმედეთ, ყოველი ნაბიჯი კარგად გათვალეთ და შესრულებული სამუშაო შეამოწმეთ. მოერიდეთ ურთიერთობების გარკვევას – ამას კონფლიქტი მოჰყვება, რაც არაფერში გჭირდებათ. ყურადღებით უსმინეთ, რას ლაპარაკობენ თქვენ ირგვლივ, შეიძლება თქვენთვის მნიშვნელოვანი რამ მოისმინოთ.

მშვილდოსანი

გირჩევთ, რთული დღისთვის მოემზადოთ. სავარაუდოდ, თავზე უამრავი პრობლემა დაგატყდებათ, მაგრამ საკუთარი ძალების რწმენა და პოზიტიურად აზროვნება სირთულეებთან გამკლავებაში დაგეხმარებათ. იდეა, რომელიც ამ დღეს თავში მოგივათ, არ დაივიწყოთ და ეცადეთ უახლოეს ხანებში განახორციელოთ.

თხის რქა

იცით, თუ როგორ მიაღწიოთ სასურველს და მიზნისკენ თამამად მიდიხართ. დაუფიქრებლად არაფერი თქვათ, რადგან შეიძლება შემთხვევითი ფრაზით ან შენიშვნით უნებლიეთ ვიღაც შეურაცხყოთ. დღის უდიდესი ნაწილი მოსაწყენი სამუშაოს შესრულება მოგიწევთ, მაგრამ მიზნის მისაღწევად ეს მნიშვნელოვანი იქნება. სჯობს, ახალი ინიციატივები სამომავლოდ გადადოთ.

მერწყული

გვერდით ნუ ჩაუვლით ადამიანს, რომელსაც თქვენი დახმარება და მხარდაჭერა სჭირდება. სტრესული დღეა, მაგრამ ეცადეთ, მიმდინარე მოვლენებს ფილოსოფიურად შეხედოთ და სიმშვიდე შეინარჩუნოთ. ვარსკვლავები ამბობენ, რომ ეს ხანმოკლე წარუმატებლობაა, რომელსაც მალე გამარჯვება მოჰყვება. მოერიდეთ ახალ ნაცნობობას, რომელიც, პრობლემების გარდა, არაფერს მოგიტანთ.

თევზები

ამ დღეს თქვენთვის კარგად ნაცნობ საკითხებშიც კი პრობლემები გელით. ეცადეთ, სირთულეებს მსუბუქად შეხედოთ და აუღელვებლად, ცივი გონებით იმოქმედოთ. ეს კონფლიქტის თავიდან აცილებასა და პრობლემის მოგვარებაში დაგეხმარებათ.