“ვაგრძელებ ჩემს ვიზიტებს, მალე წავალ ბალტიის ქვეყნებში, პოლონეთში ვიქნები, ბელგიაში” – სალომე ზურაბიშვილი
“ჩვენ როცა ვართ ევროპის კართან მოსული, ვიცით, ყველამ რამდენად გადამწყვეტი იქნება როცა მოგვენიჭება კანდიდატის სტატუსი, მაგრამ ეს თავისით არ მოდის, ეს მთავარი გზა, რაც გასავლელია, არის ჩვენი, თქვენი, ქვეყნის მიერ ერთად გასავლელი”,- ამის შესახებ საქართველოს პრეზიდენტმა სალომე ზურაბიშვილმა განაცხადა.
მისივე თქმით, ყველამ უნდა გააკეთოს ის რაც შეუძლია.
“ყველაფერი იქნება ძალიან მნიშვნელოვანი – ნებისმიერი ნაბიჯი შიგნით თუ ქვეყნის გარეთ, იმ სფეროში სადაც ვმოღვაწეობთ, ეს იქნება კულტურა, ეკონომიკა, საგარეო პოლიტიკა, ანალიტიკური ექსპერტების სფერო, ყველას აქვს თავისი როლი – ეს არ არის ერთი ადამიანის გასაკეთებელი. მე ვიქნები თქვენთან, ვიქნები ყველგან, სადაც შემიძლია და ვაგრძელებ ჩემს ვიზიტებს, მალე წავალ ბალტიის ქვეყნებში, პოლონეთში ვიქნები, ბელგიაში, მაგრამ ყველამ უნდა გააკეთოს ის, რაც შეუძლია”, – აცხადებს პრეზიდენტი.
