22 ივლისის ასტროლოგიური პროგნოზი

ვერძი

თანამოსაუბრეზე შთაბეჭდილების მოხდენას მხოლოდ მაღალი ინტელექტით შეძლებთ. არ აქვს მნიშვნელობა, თანამოსაუბრე უფროსია, საყვარელი ადამიანი, შემთხვევითი თანამგზავრი თუ საუკეთესო მეგობარი. ამ დღეს ადამიანებს უბრალო ჭორებზე მეტად პოლიტიკა, ეკონომიკა, ფილოსოფია და ნებისმიერი სხვა მეცნიერება აინტერესებთ.

კურო

თუ გადაწყვეტეთ, რომ სახლის კეთილმოწყობა დაიწყოთ, ვარსკვლავები გირჩევენ, მასშტაბური რემონტი არ წამოიწყოთ, რადგან პროცესი დიდხანს გაგრძელდება. უმჯობესია, პატარ-პატარა ნაბიჯებით მიჰყვეთ და თქვენი ბრწყინვალე იდეები თანდათანობით განახორციელოთ.

ტყუპები

ეს დღე ინტელექტუალური საუბრებისკენ განგაწყობთ. მოულოდნელად ისეთი თემებით დაინტერესდებით, როგორიცაა ადამიანის ფსიქიკა, სულიერი განვითარება, სამყაროს საიდუმლოებები და ა.შ. შესაძლოა, ნახოთ ადამიანი, ვისაც ამ თემებზე სიამოვნებით ესაურებით. მთავარია, ღრუბლებში ფრენის დროს ფეხქვეშ მიწა არ დაკარგოთ.

კირჩხიბი

თქვენში ფინანსისტი გაიღვიძებს! თუ ამ დღეს ფინანსური მდგომარეობის გაუმჯობესებაზე ფიქრს დაუთმობთ, შესანიშნავ გეგმას შეიმუშავებთ, რომელიც ფულის შოვნაში დაგეხმარებათ. ხელსაყრელი დღეა შვებულების დაგეგმვის, რემონტის დაწყების და მნიშვნელოვანი შესყიდვისთვის.

ლომი

ცხოვრების ყველა სფეროში, მათ შორის ურთიერთობებში, ლოგიკას ეყრდნობით და არა გრძნობას. ასეთი განწყობით და ვარსკვლავების მხარდაჭერით წარმატებას ადვილად მიაღწევთ.

ქალწული

ამ დღეს თავს სხვისი მექანიზმის ჭანჭიკად იგრძნობთ, რაც სულ არ გადარდებთ. მთავარია, ეს მექანიზმი გამართულად მუშაობდეს. თქვენ კარგად იცით საკუთარი როლი და შესანიშნავად შეგიძლიათ განახორციელოთ ის, რაც სხვებმა დაგეგმეს. დღის მეორე ნახევარში ეცადეთ, ვარჯიშის დრო გამონახოთ და არც მსუბუქი დიეტის დაწყება გაწყენდათ.

სასწორი

გირჩევთ, მთელი ყურადღება სასარგებლო კავშირების დამყარებაზე გადაიტანოთ. თავიდან ნებისმიერი ურთიერთობა სიმპათია-ანტიპათის პრინციპზე იგება, თუმცა უფრო ღრმა ურთიერთობებისთვის საერთო თემებისა და ინტერესების პოვნა დაგჭირდებათ. საყვარელ ადამიანთან ურთიერთობაში კომპრომისზე წასვლა უნდა ისწავლოთ – ზოგჯერ მაინც.

მორიელი

სისწრაფე ყოველთვის არ ამართლებს. ყველაზე ხშირად წარმატებული ბიზნესის გასაღები უმცირეს დეტალებამდე გათვლილი გეგმაა. ეცადეთ „ასჯერ გაზომოთ და ერთხელ გაჭრათ“. წინასწარ დაგეგმილი თქვენი ნებისმიერი ნაბიჯი წარმატებული იქნება.

მშვილდოსანი

ვარსკვლავები გირჩევენ ისეთ ადგილზე წახვიდეთ, სადაც საინტერესო და ბევრის მცოდნე ადამიანებთან საუბრის შესაძლებლობა გექნებათ. ახლა ეს სუფთა ჰაერივით გჭირდებათ!

თხის რქა

შესაძლოა, ინტელექტუალური დისკუსიები არ გიყვართ, მაგრამ ამ დღეს გამონაკლისი უნდა დაუშვათ. შესაძლოა, ასეთი დისკუსიის დროს მოისმინოთ იდეა, რომელიც დიდ ფინანსურ შემოსავალს მოგიტანთ და თქვენს მომავალს მთლიანად შეცვლის. დიდი ხნის უნახავ მეგობარს თქვენი დახმარება სჭირდება და იმედს ნუ გაუცრუებთ.

მერწყული

შესაძლოა, საკუთარი აზრების ლაბირინთში ისე დაიკარგოთ, რომ უკან დასაბრუნებელი გზის პოვნა გაგიჭირდეთ. იქნებ, სიტუაციას თავად ართულებთ და ყველაფერი გაცილებით მარტივადაა? ბუნებაში სეირნობა და მიწასთან სიახლოვე სტრესისგან თავის დაღწევაში დაგეხმარებათ. რთული სამუშაო კვირის შემდეგ ეს ყველაზე მეტად გჭირდებათ.

თევზები

ვარსკვლავები გირჩევენ, ყურადღებით დააკვირდეთ, გარშემო რა ხდება – შესაძლოა, მნიშვნელოვანი ინფორმაცია, ღირებული რჩევა ან შესანიშნავი იდეა მოისმინოთ, რომელიც მომავალში ძალიან გამოგადგებათ. ამიტომ ისწავლეთ, უსმინეთ და დაიმახსოვრეთ.