9 ოქტომბრის ასტროლოგიური პროგნოზი

ვერძი

თუ ხანგრძლივი სასიყვარულო ურთიერთობა გსურთ, უნდა გახსოვდეთ, რომ ახირებამ და პრეტენზიებმა შეიძლება ყველაფერი გააფუჭოს.
ბავშვებთან ურთიერთობაში მეტი ყურადღებისა და გაგების გამოჩენაა საჭირო.
ამ დღეს გადაწყვეტილებები შეგიძლიათ, ინტუიციის საფუძველზე მიიღეთ — ის არ გიღალატებთ. ასევე სანდო მეგობრების რჩევებსაც ნუ უგულებელყოფთ.
შესაძლოა ქრონიკულმა დაავადებებმა ან ძველმა ტრავმებმა თავი შეგახსენოთ. ნუ უგულებელყოფთ სიმპტომებს და მკურნალობა დაუყოვნებლივ დაიწყეთ.

კურო

მარტოხელა კუროებს რომანტიკული თავგადასავალი ან რაიმე უჩვეულო მოვლენა ელით.
ამ დღეს წარმოქმნილი პრობლემის გადასაწყვეტად საკუთარი კავშირები და სასარგებლო ნაცნობობა გამოიყენეთ. ნუ უარყოფთ კოლეგების დახმარებას, თუნდაც ეს მხოლოდ პროფესიული რჩევა იყოს.
დღეს ინტუიცია თქვენს მხარეს არ არის, ამიტომ რთული გადაწყვეტილებების მიღებას ნუ იჩქარებთ.
ვარსკვლავები გირჩევენ, რომ ოთხფეხა მეგობარი გაიჩინოთ.

ტყუპები

ამ დღეს მარტოხელა ტყუპებს შეიძლება პირველი ნახვით შეუყვარდეთ! ახალი ურთიერთობა მალე შემოვა თქვენს ცხოვრებაში და დაუვიწყარ ემოციებს მოგიტანთ.
თუ ოჯახში გაუგებრობა და დაძაბულობაა, ურთიერთობაში პაუზა აიღეთ და ყურადღება სამუშაოზე გადაიტანეთ.
ფრთხილად იყავით – შესაძლებელია, რომ თქვენი პარტნიორი მნიშვნელოვან ინფორმაციას გიმალავდეთ.
დღეს უმჯობესია სასწრაფო ან საპასუხისმგებლო არაფერი დაგეგმოთ, განსაკუთრებით თუ ფულთან ან შესყიდვებთან არის დაკავშირებული. ვარსკვლავები გირჩევენ დაკავდეთ იმით, რაც სიამოვნებას განიჭებთ.

კირჩხიბი

მხოლოდ ხელსაყრელი გარემოებების იმედი ნუ გექნებათ – ზოგჯერ საჭიროა თავად იმოქმედოთ. თუ ბევრი საოჯახო საქმე დაგიგროვდათ, ოჯახის წევრებს გადაუნაწილეთ. სამსახურის გამო შეიძლება სრულიად მოულოდნელად მივლინებაში წასვლა მოგიწიოთ და ეს მოგზაურობა მარტოხელა კირჩხიბების ცხოვრებას მთლიანად შეცვლის. გახსოვდეთ წარმატებას ის აღწევს, ვინც დამარცხებას ვერ ეგუება. თუ ბოლო დროს საქმე ისე არ მიდის, როგორც გსურდათ, ეს არ ნიშნავს, რომ მედი უნდა დაკარგოთ და ხელები ჩამოუშვათ.
მოერიდეთ ცხიმიან საკვებს და ალკოჰოლის მოხმარებას.

ლომი

ამ დღეს ეცადეთ, საყვარელი ადამიანის ყველა თხოვნა შეასრულოთ, როგორი უცნაურიც არ უნდა მოგეჩვენოთ. უმჯობესია მთელი ყურადღება სამუშაოზე გადაიტანოთ, თორემ კონფლიქტებსა და ურთიერთბრალდებებს ვერ გაექცევით.
ახლახან დაწყებული თანამშრომლობა წარმატებული იქნება — ეცადეთ, საქმიანი ურთიერთობები განავითაროთ და სასარგებლო კონტაქტები დაამყაროთ.
ვარსკვლავები ვარაუდობენ, რომ ამ დღეს მოულოდნელ შემოსავალს მიიღებთ, ეს თანხა საყოფაცხოვრებო საჭიროებებსა და ძველი ვალების გასტუმრებაზე დაიხარჯება.
საღამოს შეეცადეთ კარგად დაისვენოთ — ძილის წინ თბილი აბაზანა დაძაბულობის მოხსნაში დაგეხმარებათ.

ქალწული

ქალწულების ცხოვრებაში შეიძლება ძველი სიყვარული გამოჩნდეს და ეს სრულიად მოულოდნელი იქნება. ადამიანი, რომლის მიმართაც ძლიერ სიმპათიებს გრძნობთ, თავად გადმოდგამს ნაბიჯს თქვენკენ.
დღეს მოსალოდნელია კონფლიქტი ხანდაზმულ ადამიანთან — შესაძლოა ეს ახლობელი იყოს. ვარსკვლავები გირჩევენ, რომ ემოციები აკონტროლოთ, თუმცა საკუთარი პოზიცია მტკიცედ დაიცვათ.
ამ დღეს მოერიდეთ გადაღლას და ეცადეთ ცოტა ხნით განმარტოვდეთ, რომ ძალები აღიდგინოთ.

სასწორი

დღეს შეიძლება საინტერესო ადამიანი გაიცნოთ. ჰოროსკოპი გირჩევთ, მის სიტყვებს ყურადღებით მოუსმინოთ. გონიერება გამოიჩინეთ და მიზნების რაოდენობა შეამცირეთ, რათა მათი ხარისხიანად შესრულება შეძლოთ.
თუ ბოლოდროინდელი პრობლემების უმეტესობა ფულს უკავშირდება, მალე ყველაფერი შეიცვლება და ფინანსური შემოსავლები არ დააგვიანებს!
სეზონურ გაციებას მარტივად გადაიტანთ, თუმცა გახსოვდეთ — საკუთარი ჯანმრთელობის მიმართ უყურადღებო დამოკიდებულებამ შეიძლება ხანგრძლივი ავადმყოფობა გამოიწვიოს.

მორიელი

ვარსკვლავები საშუალებას გაძლევენ, გააცნობიეროთ, როგორ გახდეთ საკუთარი ცხოვრების რეჟისორი და როგორ მისცეთ მას სწორი მიმართულება.
ხელსაყრელი დროა მნიშვნელოვანი საქმეების შესასრულებლად, თუმცა დასვენებაც არ უნდა დაივიწყოთ.
შაბათი-კვირა ოჯახთან ერთად გაატარეთ — აგარაკზე გაემგზავრეთ ან პარკში გაისეირნეთ.
სამსახურში საკუთარ გეგმებს ნუ გაამხელთ — თქვენს გარემოცვაში არის შურიანი ადამიანი, რომელიც თქვენთვის ხელის შეშლას ეცდება. ხელსაყრელი დროა დიდი ფინანსური გარიგებებისა და მსხვილი შესყიდვებისთვის. ჯანმრთელობის გაუარესება მიგანიშნებთ, რომ თქვენს ცხოვრებაში რაღაც არასწორად ხდება და ცვლილებებია საჭირო.

მშვილდოსანი

გარშემო მყოფებს შეიძლება თქვენი არჩევანი არ მოეწონოთ, მაგრამ განა ეს მნიშვნელოვანია? ახლა უმჯობესია გულის კარნახით იმოქმედოთ.
დღე სასიამოვნოდ ჩაივლის და ახლობლებთან შეხვედრაც მხიარული გამოდგება.
მოსალოდნელია რამდენიმე ბიზნესშეთავაზება — აირჩიეთ მხოლოდ ის, რაც თქვენთვის საინტერესოა. დღის მეორე ნახევარში ამანათს, საჩუქარს ან სხვა მატერიალურ შემოსავალს მიიღებთ.
გადაღლამ და ენერგიის არამიზნობრივმა ხარჯვამ შესაძლოა სტრესი და გაღიზიანება გამოიწვიოს. ზედმეტმა აქტიურობამ და შთაბეჭდილებებმა კი შეიძლება ძილზეც უარყოფითად იმოქმედოს.

თხის რქა

მშვენიერი დღეა ოდესღაც გაფუჭებული ურთიერთობების აღდგენისთვის. ამისთვის კომპრომისისა და სწორი სიტყვების პოვნაა საჭირო. ნუ ინანებთ გამოტოვებულ შესაძლებლობებს — მოუსმინეთ საკუთარ გულს და შეცდომის დაშვების არ შეგეშინდეთ.
დაძაბული ატმოსფეროს განმუხტვისთვის მოაწყვეთ საოჯახო ვახშამი და ძველი მეგობრები მოიწვიეთ.
ის, რასაც ვიღაც დიდი ხანია მალავს, მალე ყველასთვის ცნობილი გახდება.
ფრთხილად იყავით წამლებთან და ალკოჰოლთან — მოსალოდნელია მოწამვლა ან დოზის გადაჭარბება.
მეტი დრო დაუთმეთ საქმიანობას, რომელიც სიამოვნებას განიჭებთ.

მერწყული

საყვარელ ადამიანთან ურთიერთობა მოულოდნელად დაიძაბება — სავარაუდოდ, მიზეზი თქვენი დატვირთული სამუშაო გრაფიკია. შესაძლოა ახლობლებმა თქვენს პირად ცხოვრებაში ჩარევა სცადონ — ამ ადამიანებს კონფლიქტის გამწვავების მიზეზს ნუ მისცემთ.
კოლეგებს დახმარებისთვის ნუ მიმართავთ — დღეს მხოლოდ საკუთარ ძალებს უნდა დაეყრდნოთ.
იზრუნეთ გულზე და ნერვულ სისტემაზე! თქვენი იმუნიტეტი ამჟამად ოდნავ შესუსტებულია, ამიტომ ორგანიზმს ყოველდღიური სტრესების გადატანა გაუჭირდება. გირჩევთ მენიუში ბოსტნეული და ხილი დაამატოთ.

თევზები

სავარაუდოდ, ამ დღეს გაიცნობთ ადამიანს, რომელიც თქვენი ერთგული მეგობარი და ბიზნესპარტნიორი გახდება. მასთან ურთიერთობა გიბიძგებთ, ზოგიერთ ადამიანთან დაკავშირებით შეხედულება შეიცვალოთ.
შესანიშნავი დღეა საქმიანი შეხვედრებისა და ახალი იდეების განსახილველად. მოსალოდნელია დაწინაურება ან ფულადი პრემია სამსახურში მიღწეული შედეგებისათვის. მანამდე კი შეეცადეთ უფრო ეკონომიურად იცხოვროთ. ვარსკვლავები ქრონიკული დაავადებების გამწვავების შესახებ გაფრთხილებენ, ამიტომ სასურველია დღე მშვიდად გაატაროთ.
კომუნალური სისტემის პრობლემებმა დღის გეგმები რომ არ დაგირღვიოთ, ყურადღება მიაქციეთ სანტექნიკისა და საყოფაცხოვრებო ტექნიკის გამართულ მუშაობას.