1. Home
  2. TOP სიახლე
  3. 27 დეკემბრის ასტროლოგიური პროგნოზი
27 დეკემბრის ასტროლოგიური პროგნოზი

27 დეკემბრის ასტროლოგიური პროგნოზი

2.65K
0

ვერძი

მშვენიერი დღეა საკუთარი იდეების საჯაროდ გახმოვანებისთვის. თუ გაგიმართლათ, შეიძლება გამოჩნდეს ადამიანი, რომელიც მათ განხორციელებაში გვერდით დაგიდგებათ. ვარსკვლავების განლაგება ახალი ურთიერთობების დამყარებასა და სხვადასხვა შეთანხმების მიღწევაში დაგეხმარებათ. მოერიდეთ თანამოსაუბრეზე ზეწოლას – სჯობს იმ საქმეებს მიხედოთ, რომლებიც ახალი წლის წინ თავზე საყრელად გაქვთ.

კურო

ხელსაყრელი დღეა ურთიერთობების გასაძლიერებლად და ეს საქმიან ურთიერთობებსაც ეხება. უარს ნუ იტყვით შეთავაზებაზე, რომელიც ერთი შეხედვით, უინტერესო და არაპერსპექტიული ჩანს. მოგვიანებით შეიძლება აზრი შეგეცვალოთ. პროფესიული საქმიანობა უარყოფითი აზრებიდან გათავისუფლებაში დაგეხმარებათ, ამიტომ ეცადეთ, მთლიანად მუშაობაში გადაეშვათ.

ტყუპები

ეცადეთ, პრობლემები გულთან ახლოს არ მიიტანოთ, რადგან მათთან გამკლავებას მარტივად შეძლებთ. შესაძლოა, თქვენით მოხიბლული პერსონისგან მაცდური შეთავაზება მიიღოთ. გირჩევთ, ყველას მიმართ მეგობრული განწყობა გამოიჩინოთ, თუმცა ამ დღეს ყველა მიღებული ინფორმაცია უნდა შეამოწმოთ, რათა მძიმე შეცდომა არ გამოგეპაროთ.

კირჩხიბი

დაფიქრდით იმაზე, რაც თქვენს ცხოვრებაში დიდი ხანია, გეზედმეტებათ – შეიძლება, ეს იყოს ურთიერთობა, რომელიც ენერგიას გაცლით ან სამუშაო, რომელსაც არც კმაყოფილება მოაქვს და არც ფული. იფიქრეთ იმაზე, რისი შეცვლაც უახლოეს დღეებში შეგიძლიათ. შესაძლოა, საკუთარ თავშივე აღმოაჩინოთ თვისებები, რომლებიც ჰარმონიული ურთიერთობების დამყარებაში ხელს გიშლით და მათი შეცვლა სცადოთ.

ლომი

ამ დღეს ყველაზე მნიშვნელოვანი ჯანმრთელობასა და სამსახურთან დაკავშირებული საკითხებია. შეგიძლიათ დაასრულოთ საქმიანობა, რომელიც საერთოდ არ გაინტერესებთ. ენერგიის ნაკლებობას უჩივით, ამიტომ მხოლოდ ის უნდა აკეთოთ, რაც ყველაზე აუცილებელია. ეცადეთ, სუფთა ჰაერზე სიარულისა და ვარჯიშისთვის დრო გამონახოთ.

ქალწული

ამ დღეს ქალწულისთვის პირველ ადგილზე რომანტიკული კავშირები და ბავშვებთან ურთიერთობა იქნება. ვიღაც – ტოქსიკური ურთიერთობის დასრულებას გადაწყვეტს, ვიღაც პირიქით – მიხვდება, რომ ერთად ცხოვრება აუცილებელია, ვიღაც კი, ბოლოს და ბოლოს, საკუთარ შვილებთან საერთო ენას გამონახავს. დღის მეორე ნახევარი ეცადეთ იმ ადამიანებთან ერთად გაატაროთ, ვისთანაც საერთო ინტერესები გაქვთ.

სასწორი

დღის დასაწყისი შეიძლება შფოთიანი ჩანდეს, მაგრამ სერიოზული პრობლემები ნაკლებად სავარაუდოა. შეეცადეთ, არ იჩქაროთ და არ აჰყვეთ ირგვლივ ატეხილ უაზრო აურზაურს. მშვიდად განაგრძეთ თქვენი საქმე; ეს საკმარისი იქნება წარმატების მისაღწევად. ბევრ სასწორს სასიამოვნო ცვლილებები ელის. ადამიანს, რომელიც რთულ დრო მხარში გედგათ და არ მიგატოვათ, ახლა დახმარება სჭირდება და იმედი არ უნდა გაუცრუოთ.

მორიელი

შეხვედრებით და ურთიერთობებით სავსე დღეა. სავარაუდოდ, ბევრი გადაადგილება და სოციალურ ქსელებში მიმოწერა გელით. ზოგი მორიელი სწავლის შეწყვეტას და სახლში დაბრუნებას გადაწყვეტს. ბევრს ექნება განცდა, რომ გარშემო ყველაფერი იცვლება და თავის საცხოვრებელ ადგილს უნდა დაუბრუნდეს. ხელსაყრელი დღეა ნაჩხუბარი ადამიანების შერიგებისთვის. თუ ხვდებით, რომ შეცდით და გული უსამართლოდ ატკინეთ, ბოდიშის მოხდაც უნდა შეძლოთ.

მშვილდოსანი

ამ დღეს შესაძლოა, საკუთარ თავს „გვერდიდან“ შეხედოთ და გააცნობიეროთ, რომ ადამიანებთან ჰარმონიული და ნაყოფიერი ურთიერთობების დამყარებისთვის ზოგჯერ თუნდაც უმნიშვნელო კომპრომისიც საკმარისია. შოპინგისთვის არახელსაყრელი დღეა. გირჩევთ ,ოჯახის ბიუჯეტს გადახედოთ და საახალწლო ხარჯი ჩამოწეროთ, იქნებ ჯობს, რომ დღესასწაულის წინ უსარგებლო ნივთების შეძენისგან თავი შეიკავოთ?

თხის რქა

ამ დღეს თქვენთვის ყველაზე მნიშვნელოვანი პარტნიორობის თემა იქნება – ეს შეიძლება როგორც საქმიან თანამშრომლობას, ასევე პირად ცხოვრებას ეხებოდეს. ემოციები მუშაობაში ხელს გიშლით, ამიტომ ეცადეთ, თავი ხელში აიყვანოთ. ამ დღეს უმჯბესია ინდივიდუალურად, სხვა ადამიანების დახმარების გარეშე იმუშაოთ.

მერწყული

დღის პირველი ნახევარში ნუ დაგეგმავთ მნიშვნელოვან საუბარს – სწორი სიტყვების პოვნაც გაგიჭირდებათ და შეიძლება, ემოციებიც ვერ მოთოკოთ. თუმცა ხელსაყრელი დროა საბუთების მოსაწესრიგებლად ან შოპინგისთვის. დღის მეორე ნახევარი კი შეგიძლიათ როგორც საქმიან, ისე პირად შეხვედრებს დაუთმოთ – საერთო ენას მათთანაც გამონახავთ, ვინც აქამდე არ გისმენდათ.

თევზები

გარკვეული სირთულეების მიუხედავად, ეს დღე კარგად ჩაივლის. ოპტიმიზმი და კარგი განწყობა პრობლემებთან გამკლავებაში დაგეხმარებათ და ბიზნესპარტნიორებთან ურთიერთობასაც ადვილად დაამყარებთ. მოსალოდნელია მაცდური შეთავაზება, რომელიც საინტერესო პერსპექტივას გააჩენს, მაგრამ სანამ დათანხმდებით, რჩევა გამოცდილ ადამიანებს ჰკითხეთ.