1. Home
  2. TOP სიახლე
  3. 14 მაისის ასტროლოგიური პროგნოზი
14 მაისის ასტროლოგიური პროგნოზი

14 მაისის ასტროლოგიური პროგნოზი

918
0

ვერძი

მოიქეცით ისე, როგორც ყოველთვის იქცეოდით და დღე მშვიდად ჩაივლის. ნუ ენდობით ადამიანებს, რომლებსაც კარგად არ იცნობთ და თავი შეიკავეთ კოლეგებთან გულწრფელობისგან. საერთოდ, სამსახურში პირადი ცხოვრების შესახებ საუბრებს და ჭორაობას უნდა მოერიდოთ. შესაძლებლობა გექნებათ, რომ ადრე დაწყებული საქმეები დაასრულოთ და თავი ნამდვილ გმირად იგრძნოთ, როდესაც სასურველ შედეგს მიიღებთ.

კურო

შესაძლოა, თქვენი ფინანსური მდგომარეობა მოულოდნელად გაუმჯობესდეს და იმაზე მეტი შემოსავალი მიიღოთ, ვიდრე გეგმავდით. ცხოვრების სხვა სფეროებში ბედი ასე არ გაგიღიმებთ. პირად ურთიერთობებში რუტინა გრძელდება, პროფესიულ სფეროში კი მხოლოდ სამუშაოს მომატება გელით.

ტყუპები

ბოლო დროს სულ უფრო ხშირად ფიქრობთ, რომ ვარჯიშის დაწყება გჭირდებათ. თქვენი გადასაწყვეტია, როდის შეუდგებით, მაგრამ გირჩევთ დიდი ხნით არ გადადოთ. დღის მეორე ნახევარში საშუალება გექნებათ რთულ სიტუაციაში ჩავარდნილ ადამიანს დაეხმაროთ. თქვენი ენერგიისა და მონდომების წყალობით, მისი ძველი პრობლემა საბოლოოდ მოგვარდება.

კირჩხიბი

ამ დღეს გარშემომყოფები თქვენში სრულიად სხვა ადამიანს აღმოაჩენენ. მიზეზი ისაა, რომ ამ ადამიანებს უფლებას აღარ მისცემთ, თქვენი სიკეთით ისარგებლონ. სწორი გადაწყვეტილებაა. ამჟამად მხოლოდ საკუთარ სარგებელზე უნდა იფიქროთ და ოჯახის კეთილდღეობისთვის ყველაფერი გააკეთოთ. დროა, მეგობრებმა და კოლეგებმა საკუთარი პრობლემების მოგვარებაზე თავად იზრუნონ.

ლომი

ძალიან გაწუხებთ, რომ პირად ცხოვრებაში ყველაფერ ერთ ადგილზე გაიყინა და სიახლეები არ ჩანს, საღამოები ერთფეროვანი და მოსაწყენია. ვარსკვლავები გირჩევენ, ეს სიტუაცია შეცვალოთ და ინიციატივა საკუთარ ხელში აიღოთ. ხელსაყრელი დღეა ახალი ნაცნობების, თანამოაზრეებისა და მოკავშირეების პოვნისთვის. გამორიცხული არ არის სასიყვარულო თავგადასავალი, რომელიც სასიამოვნო ემოციებს მოგიტანთ.

ქალწული

კრიტიკული შენიშვნები და გამოხედვა – გარშემომყოფები მთელი დღის განმავლობაში განწყობას გიფუჭებენ, თუმცა მათ შეტევებს მშვიდად იგერიებთ. ასე გააგრძელეთ და სიტუაციიდან გამარჯვებული გამოხვალთ. ეცადეთ შექმნილი სიტუაცია თქვენთვის სასარგებლოდ გამოიყენოთ და მიხვდებით, რომ საქმე არც ისე ცუდადაა.

სასწორი

ვარსკვლავები გაფრთხილებენ, რომ საყვარელ ადამიანთან კამათი და დაპირისპირება გელით – ემოციური საუბარი შეიძლება კონფლიქტში გადაიზარდოს. თანამოსაუბრისგან განსხვავებით, თქვენ ემოციების კონტროლი შეგიძლიათ, ამიტომ ეცადეთ, მეტი სიბრძნე გამოიჩინოთ, რადგან ეს ურთიერთობა ნამდვილად გჭირდებათ.

მორიელი

ამ დღეს ამინდი თქვენს განწყობაზე ძალიან მოქმედებს. მუშაობის სურვილი გაგიქრათ, გინდათ გარეთ გახვიდეთ და ისეირნოთ. ვარსკვლავები გახსენებენ, რომ ჯერ კვირის დასაწყისია და უამრავი საკითხი გაქვთ მოსაგვარებელი. ამიტომ პეპლები თავიდან გამოიბერტყეთ და მუშაობას შეუდექით.

მშვილდოსანი

ბოლო დღეებში ოჯახის წევრებს ზედმეტად მკაცრად ექცევით. ისინი განცდა იქმნება, რომ ნაწყენი ხართ და სამაგიეროს უხდით. კარგად დაფიქრდით, საყვარელ ადამიანებთან ასეთი მოქცევის მიზეზი ნამდვილად გაქვთ? იქნებ ყველაფერი თქვენი ზღვარგადასული ეჭვების ბრალია? სანამ დროა, შეჩერდით და ბოდიში მოიხადეთ, რათა გაუგებრობა კონფლიქტად არ აქციოთ.

თხის რქა

პირად ცხოვრებაში ყველაფერი იმდენად კარგადაა, რომ ბედნიერებისგან ანათებთ! მარტოხელა თხის რქები, რომლებსაც ასეთი გრძნობები ჯერ არ განუცდიათ, საინტერესო ადამიანთან შეხვედრისთვის უნდა მოემზადონ. ფინანსური პერსპექტივები ხელსაყრელია – საშუალება გაქვთ, რომ წარმატებული შესყიდვები განახორციელოთ.

მერწყული

მთელი კვირის განმავლობაში მნიშვნელოვან შენაძენზე იფიქრებთ – შეიძლება ეს იყოს უძრავი ქონება ან ავტომობილი. გახსოვდეთ, რომ ეს სერიოზული საკითხია, ამიტომ გონივრულად უნდა მიუდგეთ. გამორიცხული არ არის რომანტიკული თავგადასავალი, რომელიც სასიამოვნო ემოციებს მოგიტანთ.

თევზები

ამ კვირაში დასვენება და საქმისადმი დაუდევარი დამოკიდებულება უნდა დაივიწყოთ. იმდენი დავალება გელით, რომ სამსახურში გვიანობამდე დარჩენა, ზოგ შემთხვევაში კი სახლში მუშაობაც მოგიწევთ. ოჯახურ ცხოვრებაშიც მცირე სირთულეებია, ასე რომ „ყველა ფრონტზე ომი“ ერთდროულად მოგიწევთ. ადამიანი, ვისი იმედიც გქონდათ, საკუთარი საქმეებითაა დაკავებული და შეიძლება თქვენთვის მოცემული პირობა დაივიწყოს.