14 მაისის ასტროლოგიური პროგნოზი

ვერძი

ვერძებისთვის ჭეშმარიტების გაცნობიერების პერიოდი დგება. დღეს შეიძლება იმ ადამიანების ქცევის მოტივები გაიგოთ, რომლებიც თქვენ მიმართ გულგრილები არ არიან. დღეს განსაკუთრებით მგრძნობიარე ხართ და კრიტიკაზე გამძაფრებული რეაქცია გაქვთ. არავის მისცეთ უფლება, რომ გული გატკინოთ. სამსახურში ყურადღება არ მოადუნოთ, რადგან ვიღაც თქვენთვის ხაფანგის დაგებას ცდილობს.

კურო

თუ ოჯახში პრობლემები და უთანხმოებები გაქვთ, ახლა საუკეთესო დროა მათ მოსაგვარებლად. ვარსკვლავები ოჯახში ჰარმონიული გარემოს შექმნაში დაგეხმარებიან. ერთობლივი გასეირნება ან შოპინგი იდეალური გადაწყვეტილება იქნება, მით უმეტეს, რომ სასურველი ნივთის შეძენას შეძლებთ, რომელიც დიდხანს მოგემსახურებათ. გამოიჩინეთ მზრუნველობა ახლობლების მიმართ და მიეცით საშუალება, რომ თქვენზე იზრუნონ.

ტყუპები

ამ დღეს კოლეგებთან ურთიერთობაში სიფრთხილე უნდა გამოიჩინოთ. სანამ რამეს იტყვით, კარგად დაფიქრდით, რადგან შეიძლება თქვენი სიტყვები თქვენ წინააღმდეგ გამოიყენონ. უმჯობესია, უსამართლო კრიტიკას ყურადღება არ მიაქციოთ, პროვოკაციებს არ აჰყვეთ და არც შურისძიების გეგმა შეადგინოთ. ეცადეთ, არაკეთილმოსურნე ადამიანებს მშვიდი ღიმილით უპასუხოთ. მათ დამარცხებას მხოლოდ ასე შეძლებთ.

კირჩხიბი

ეცადეთ, აქტიური პოზიცია დაიკავოთ და მიმდინარე მოვლენებზე პასუხისმგებლობა აიღოთ – ამ დღის შედეგი მხოლოდ თქვენზეა დამოკიდებული. თუ რაღაც საქმე დიდი ხნის წინ დაიწყეთ და დაივიწყეთ, ახლა მისი დასრულების დროა. შეეცადეთ წვრილმანებზე არ ინერვიულოთ და ცხოვრების მიმართ დადებითი განწყობა შეინარჩუნოთ.

ლომი

ამ დღეს ოპტიმიზმი თქვენი მთავარი იარაღი იქნება და ნებისმიერ ვითარებაში დაგეხმარებათ. შეგიძლიათ თამამად წახვიდეთ წვეულებაზე ან სრულიად უცნობ საზოგადოებაში, რადგან ყველგან სასურველი სტუმარი იქნებით. ნუ გერიდებათ საკუთარი შესაძლებლობების დემონსტრირების – ეს მხოლოდ დაგეხმარებათ. ყურადღება არ მოადუნოთ, რათა სიტუაცია კონტროლიდან არ გამოვიდეს.

ქალწული

ამ დღეს საკუთარი შესაძლებლობების მწვერვალზე ხართ. განსაკუთრებით თვალშისაცემია თქვენი ლიდერის უნარები და მზადყოფნა, რომ პასუხისმგებლობა საკუთარ თავზე აიღოთ. გარშემომყოფები რჩევისთვის მოგმართავენ – ეცადეთ, დახმარებაზე უარი არავის უთხრათ. შესაძლოა, ამ დღეს დაიწყოს მეგობრობა, რომელიც დროთა განმავლობაში გაძლიერდება. გახსოვდეთ თქვენი პასუხისმგებლობა და ნუ გაუცრუებთ იმედს მათ, ვინც გენდობათ.

სასწორი

სამსახურში დილიდან პრობლემები და გაუგებრობები გელით. ეცადეთ, მოქმედებისთვის საჭირო დრო სწორად შეარჩიოთ და საკუთარ სიმართლეში სხვების დარწმუნება შეძლოთ. ვარსკვლავები გირჩევენ, რომ ოჯახს მეტი დრო დაუთმოთ. საყვარელ ადამიანებს თქვენი სითბო და მზრუნველობა დაანახვეთ და პასუხისმგებლობას თავი არ აარიდოთ.

მორიელი

გირჩევთ, ეს დღე მთლიანად ოჯახს მიუძღვნათ. განსაკუთრებული ყურადღება შვილების აღზრდას დაუთმეთ – ამ დღეს ისინი თქვენს სიტყვებს განსაკუთრებულად შეიგრძნობენ. თუ ბოლო დროს საყვარელ ადამიანთან ურთიერთობა დაგეძაბათ, ეს დღე ნდობის აღსადგენად გამოიყენეთ. ფინანსური სიძნელეები ნუ შეგაშინებთ – მალე მდგომარეობა გაუმჯობესდება.

მშვილდოსანი

ეცადეთ, ადამიანებთან ურთიერთობაში გახსნილი და კეთილგანწყობილი იყოთ – ეს მიზნების მიღწევაში დაგეხმარებათ და განსხვავებული შეხედულებებისა და მიდგომების გამო კონფლიქტებს თავიდან აგაცილებთ. სხვის მიღწევებს ნუ დააკნინებთ და სხვის საქმეებში ნუ ჩაერევით, თუ დახმარება არ გთხოვეს. ეცადეთ, პროფესიული ზრდა განაგრძოთ და თანამოაზრეები მოიზიდოთ.

თხის რქა

ამ დღეს ყველაზე მეტად ნერვულ სისტემას უნდა გაუფრთხილდეთ. გახსოვდეთ, რომ ბევრი დაავადება სწორედ გადაჭარბებული მგრძნობიარობისა და ნერვიულობის გამო იწყება. ეცადეთ, რომ სტრესისგან გათავისუფლდეთ და საკუთარი ცხოვრება უფრო ხალისიანი გახადოთ. ფიზიკური აქტივობა, თუნდაც უბრალო სეირნობა მოდუნებასა და განწყობის ამაღლებაში დაგეხმარებათ.

მერწყული

ამ დღეს წარმატებას თანდაყოლილი ოპტიმიზმი და ენერგიულობა მოგიტანთ. როგორც კარიერულ, ისე პირად ცხოვრებაში მნიშვნელოვანი გადაწყვეტილებების მიღება მოგიწევთ. ეცადეთ, დაუფიქრებლად არ იმოქმედოთ და მოსალოდნელი შედეგი წინასწარ გათვალეთ. გახსოვდეთ, რომ უმცირესი შეცდომა შეიძლება ფინანსური პრობლემებისა და ახლობლებთან დაპირისპირების მიზეზი გახდეს.

თევზები

ამ დღეს პროფესიული საქმიანობის სფეროში ბევრი ახალი ინფორმაციის მიღებას შეძლებთ. ამ პერიოდში მუშაობა განსაკუთრებით მნიშვნელოვანია, რადგან სწორი ნაბიჯების შემთხვევაში ფინანსური მდგომარეობის გაუმჯობესებას შეძლებთ. ფრთხილად – წარმატებამ თავბრუ არ უნდა დაგახვიოთ. სიფრთხილე გამოიჩინეთ ქიმიკატებთან და მომწამვლელ ნივთიერებებთან და ყურადღებით დააკვირდით მედიკამენტების დოზას.