![13 სექტემბრის ასტროლოგიური პროგნოზი](https://gttv.ge/wp-content/uploads/2022/12/horosko.jpg)
13 სექტემბრის ასტროლოგიური პროგნოზი
ვერძი
ამ დღეს წარმატების მისაღწევად გონიერების და დისციპლინის გამოჩენა მოგიწევთ. მზად იყავით, რომ გარშემომყოფებს თქვენი დახმარება დასჭირდებათ და მათი კეთილდღეობისთვის შეიძლება საკუთარი ინტერესები დათმოთ. მოსალოდნელია ფინანსური ზარალი და წარუმატებელი შესყიდვები. ხელსაყრელი დღეა რომანტიკული და მეგობრული შეხვედრებისთვის.
კურო
ნაყოფიერი დღეა, რომელიც შეიძლება საკუთარი და ახლობელი ადამიანების პრობლემების მოსაგვარებლად გამოიყენოთ. მოსალოდნელია ფინანსური შემოსავალი. ახალი პროექტი წარმატებას და აღიარებას მოგიტანთ, ახალი იდეა კი გავლენიანი ადამიანების მხარდაჭერას დაიმსახურებს.
მეგობრული ადამიანი ხართ და ეს თვისება ყველა საქმეში გეხმარებათ.
ტყუპები
სიმტკიცე და პრინციპულობა ნებისმიერი დაბრკოლებების გადალახვაში გეხმარებათ, ოპტიმიზმს კი ყველაზე რთულ მომენტებშიც კი ინარჩუნებთ და ეს თქვენი საუკეთესო ნიშანია. საკუთარ შესაძლებლობებში ბოლომდე დარწმუნებული ხართ და ვერავინ გაიძულებთ, არჩეულ გზას გადაუხვიოთ.
საოჯახო საქმეები ძალიან გაგიტაცებთ, მაგრამ ეცადეთ ძველ მეგობრებთან სასიამოვნო ურთიერთობისთვის დრო გამონახოთ.
კირჩხიბი
ამ დღეს გარისკვას და ექსპერიმენტებს უნდა მოერიდოთ და უპირატესობა მუშაობის გამოცდილ მეთოდებს მიანიჭოთ. გრანდიოზული გეგმები ცოტა ხნით გვერდით გადადეთ და მთელი ყურადღება მიმდინარე საქმეების დასრულებაზე გადაიტანეთ.
საქმიან ურთიერთობებში სიფრთხილე უამრავ პრობლემას აგაცილებთ. პირად ცხოვრებაში მეტი გულწრფელობა უნდა გამოიჩინოთ. რაც უფრო ხმამაღლა ისაუბრებთ საკუთარ სურვილებზე, მით უფრო მაღალია შანსი, რომ აგიხდეთ. დღის მეორე ნახევარში სასიამოვნო სიურპრიზები გელით.
ლომი
ლიდერული და ორგანიზაციული უნარების დემონსტრირებისთვის ხელსაყრელი დღეა. მიზანსწრაფულობა და მონდომება საშუალებას გაძლევთ, გამარჯვებებს იქ მიაღწიოთ, სადაც სხვები ვერ შეძლებდნენ.
შესაფერისი დღეა თანამშრომლობისა და ერთობლივი მოქმედებებისთვის და ეს ტენდენცია არა მხოლოდ პროფესიულ, არამედ პირად ურთიერთობებზეც ვრცელდება. მახვილი ინტუიცია ზედმეტ რისკებს თავიდან აგაცილებთ.
ქალწული
ამ დღეს დინჯად და გონივრულად მოქმედებთ და ნებისმიერ გადაწყვეტილებას დიდი პასუხისმგებლობით უდგებით. გარდა ამისა, იღბალი თქვენ მხარესაა – საჭირო დროს, საჭირო ადგილზე აღმოჩენას ახერხებთ, რაც წარმატებაში გეხმარებათ.
სასწორები
გირჩევთ, ახალი იდეა სანდო მოკავშირეებს გაუზიაროთ. მოულოდნელად მიიღებთ მხარდაჭერას, რომელიც გეგმის განხორციელებაში დაგეხმარებათ. ფინანსური მდგომარეობა ხელსაყრელია და შემოსავალი შესაძლოა, კიდევ გაიზარდოს.
არ არის გამორიცხული, რომ შეხვდეთ ადამიანს, რომელიც თქვენს ცხოვრებას თავდაყირა დააყენებს. მთავარია ცვლილებების არ შეგეშინდეთ.
მორიელი
ენერგიულად მოქმედებთ და ცდილობთ, პრობლემები რაც შეიძლება სწრაფად მოაგვაროთ. გარშემო მყოფთა კრიტიკული შენიშვნები მიზნების მიღწევაში ხელს ვერ შეგიშლით. რაც მთავარია, საკუთარი შესაძლებლობების სწორად შეფასებას და მნიშვნელოვანი ადამიანების მხარდაჭერას მოახერხებთ.
ურთიერთობებისთვის ხელსაყრელი დღეა, ამიტომ ეცადეთ ხალხში იტრიალოთ.
მშვილდოსანი
საინტერესო და მოვლენებით დატვირთული დღეა. ეცადეთ, წვრილმანებზე არ ინერვიულოთ. სამსახურში ნაყოფიერი თანამშრომლობისთვის ხელსაყრელი ატმოსფეროს შექმნას შეძლებთ. არ არის გამორიცხული, რომ ძველმა კონკურენტმა პოზიცია შეცვალოს და თქვენი მხარდამჭერი გახდეს. მზად იყავით ოჯახში უთანხმოების და საყვარელ ადამიანთან კამათისთვის და ეცადეთ, ეს კონფლიქტში არ გადაიზარდოს.
თხის რქა
ამ დღეს სწრაფად და პრინციპულად უნდა იმოქმედოთ. სიმტკიცე და თავდაჯერება დაგეხმარებათ, რომ გავლენიან ადამიანებზე სწორი შთაბეჭდილება მოახდინოთ და მათი მხარდაჭერა მოიპოვოთ. კოლეგები და პარტნიორები გენდობიან და ეცადეთ იმედები არ გაუცრუოთ.
ყველაზე რთულ პირად საკითხებსაც კი ძალიან ადვილად მოაგვარებთ. ვიღაც შეიძლება ფიქრობს, რომ წარმოუდგენლად გაგიმართლათ, მაგრამ სინამდვილეში თქვენ იმას იღებთ, რისთვისაც ბევრი იშრომეთ.
მერწყული
ხელსაყრელი დღეა იმ ადამიანებთან ურთიერთობისთვის, რომლებზეც შთაბეჭდილების მოხდენას ცდილობთ. გირჩევთ, საჭირო ადამიანებს თავი შეახსენოთ.
სავარაუდოდ, ახალი ჰობი და ინტერესები გაგიჩნდებათ, შესაძლოა, ენების შესწავლითაც კი დაინტერესდეთ და კურსებზე ჩაეწეროთ. ეს კარგი გადაწყვეტილება იქნება.
თევზები
ეჭვი არ უნდა შეგეპაროთ, რომ ახალ დავალებებს თავს შესანიშნავად გაართმევთ. ზოგი რამ თავისით გამოვა, დანარჩენ საკითხებზე კი ბევრი უნდა იმუშაოთ, მაგრამ ნებისმიერ შემთხვევაში, გაიმარჯვებთ.
ხელსაყრელი დღეა ქონებრივი და ფინანსური საკითხების მოსაგვარებლად. წარმატებული შესყიდვები და ფინანსური ოპერაციები გელით.