ყირიმი უკრაინას უნდა დაუბრუნდეს -ერდოღანი
თურქეთის პრეზიდენტმა რეჯეფ თაიფ ერდოღანმა კიდევ ერთხელ დაადასტურა უკრაინის სუვერენიტეტისა და ტერიტორიული მთლიანობისადმი მხარდაჭერა და აღნიშნა, რომ ყირიმი უკრაინას უნდა დაუბრუნდეს.
ინფორმაციას თურქული მედია ავრცელებს.
„ჩვენი მხარდაჭერა უკრაინის ტერიტორიული მთლიანობის, სუვერენიტეტისა და დამოუკიდებლობისადმი ურყევია. უკრაინისთვის ყირიმის დაბრუნებას საერთაშორისო სამართალი მოითხოვს“, – აღნიშნა მან ყირიმის პლატფორმის ლიდერების მეოთხე სამიტისთვის ჩაწერილ ვიდეო მიმართვაში.
მან ხაზი გაუსვა, რომ უკრაინისთვის ყირიმის დაბრუნება საერთაშორისო ნორმებს შეესაბამება. ერდოღანმა აღნიშნა, რომ ყირიმელი თათრები უკვე რვა ათწლეულია განიცდიან ტკივილს. ერდოღანმა აგრეთვე ხაზი გაუსვა ყირიმელი თათრების უფლებას ცხოვრებაზე საკუთარ სამშობლოში.
მისი თქმით, მისი სურვილია, რომ ომი უკრაინაში დასრულდეს სამართლიანი და გრძელვადიანი მშვიდობით, რომელიც უკრაინის ტერიტორიულ მთლიანობასა და სუვერენიტეტზე იქნება აგებული.
