ვთავაზობთ ამერიკულ მხარეს, კონკრეტული გზამკვლევით აღდგეს სუფთა ფურცლიდან სტრატეგიული პარტნიორობა საქართველოსა და აშშ-ს შორის, თუ იქნება ამერიკის მხრიდან ანალოგიური ინტერესი, ურთიერთობები გადაიტვირთება -ირაკლი კობახიძე

ჩვენ ვთავაზობთ ამერიკულ მხარეს, რომ კონკრეტული გზამკვლევით აღდგეს სუფთა ფურცლიდან სტრატეგიული პარტნიორობა საქართველოსა და აშშ-ს შორის. ამერიკის მხრიდან თუ იქნება ანალოგიური ინტერესი, რა თქმა უნდა, ურთიერთობები გადაიტვირთება, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს ზესტაფონში განუცხადა.

კობახიძის თქმით, ქართული მხარე დაელოდება აშშ-ის პრეზიდენტის ადმინისტრაციის პოზიციას.

„შიდა სამზარეულოზე ვერ ვისაუბრებთ. ჩვენი მხრიდან, რაც მთავარია, არის სრული მზაობა, რომ გადაიტვირთოს ქართულ-ამერიკული ურთიერთობები. მეტიც, ჩვენ ვთავაზობთ ამერიკულ მხარეს, კონკრეტული გზამკვლევით აღდგეს სუფთა ფურცლიდან სტრატეგიული პარტნიორობა საქართველოსა და აშშ-ს შორის. ამერიკის მხრიდან თუ იქნება ანალოგიური ინტერესი, რა თქმა უნდა, ურთიერთობები გადაიტვირთება. ჩვენ დაველოდებით პრეზიდენტის ადმინისტრაციის პოზიციას“, – განაცხადა კობახიძემ.