უკრაინის გამარჯვების გეგმა ნატოში გაწევრიანებას და იარაღის მიწოდების გარანტიებს ითვალისწინებს-Bloomberg
409
0
უკრაინის პრეზიდენტის ვოლოდიმირ ზელენსკის მიერ შედგენილი გამარჯვების გეგმა ქვეყნის ნატოში მიწვევასა და ამერიკის მიერ თანამედროვე შეიარაღების მიწოდების გარანტიებს ითვალისწინებს.
ინფორმაციას Bloomberg-ი ავრცელებს.
გარდა ამისა, ზელენსკის გამარჯვების გეგმა მოიცავს უკრაინის ევროკავშირში გაწევრიანებას და შეთანხმებების გაფორმებას ეკონომიკისა და უსაფრთხოების სხვადასხვა სფეროებში.
სააგენტოს ცნობით, ზელენსკი გამარჯვების გეგმას აშშ-ის პრეზიდენტს ჯო ბაიდენს 26 სექტემბერს ვაშინგტონში ვიზიტის დროს წარუდგენს. ის აგრეთვე აპირებს გააცნოს გეგმა აშშ-ის პრეზიდენტობის კანდიდატებს კამალა ჰარისს და დონალდ ტრამპს.
ზელენსკის ცნობით, გამარჯვების გეგმა მოითხოვს სწრაფ და ეფექტურ გადაწყვეტილებებს ამა წლის ოქტომბერ – დეკემბერში.
