უკრაინაში ომთან დაკავშირებით სამშვიდობო მოლაპარაკებები, შესაძლოა, ზამთარში დაიწყოს -დონალდ ტუსკი
უკრაინაში ომთან დაკავშირებით სამშვიდობო მოლაპარაკებები, შესაძლოა, მომავალი წლის ზამთარში დაიწყოს, – აღნიშნულის შესახებ განცხადება პოლონეთის პრემიერ-მინისტრმა, დონალდ ტუსკმა განაცხადა.
მისივე თქმით, პოლონეთი აქტიურ როლს შეასრულებს კონფლიქტის დასრულებაში და აქტიურად იქნება ჩართული მოლაპარაკებებში, როდესაც 1-ელ იანვარს ევროკავშირის თავმჯდომარე ქვეყანა გახდება.
„მე მექნება მოლაპარაკებების სერია, პირველ რიგში, ჩვენს აღმოსავლეთით მდებარე საზღვრის მიღმა არსებულ ვითარებაზე. ჩვენი დელეგაცია იქნება თანაპასუხისმგებელი, სხვა საკითხებთან ერთად, იმაზე, თუ როგორი იქნება პოლიტიკური კალენდარი. ალბათ იმაზეც, როგორი იქნება ვითარება მოლაპარაკებების დროს, რომელიც შეიძლება დაიწყოს ზამთარში, თუმცა ეს ჯერ კიდევ კითხვის ნიშნის ქვეშ დგას“, – განაცხადა ტუსკმა.
ამასთან, ტუსკმა აღნიშნა, რომ საფრანგეთის პრეზიდენტი ემანუელ მაკრონი 12 დეკემბერს ვარშავას ეწვევა, რათა გაუზიაროს დეტალები რამდენიმე დღის წინ პარიზში დონალდ ტრამპსა და ვოლოდიმირ ზელენსკისთან გამართული მოლაპარაკებების შესახებ.
