1. Home
  2. TOP სიახლე
  3. უკრაინამ კრემლზე უპილოტო საფრენი აპარატებით შეტევა სცადა (ვიდეო)
უკრაინამ კრემლზე უპილოტო საფრენი აპარატებით შეტევა სცადა  (ვიდეო)

უკრაინამ კრემლზე უპილოტო საფრენი აპარატებით შეტევა სცადა (ვიდეო)

313
0

უკრაინამ ღამით კრემლზე უპილოტო საფრენი აპარატებით შეტევა სცადა. ამის შესახებ ინფორმაცია რუსეთის ფედერაციის პრეზიდენტის პრეს-სამსახურმა გაავრცელა.

 

„კრემლისკენ ორი უპილოტო საფრენი აპარატი იყო მიმართული. სპეცსამსახურების მიერ სარადარო საბრძოლო სისტემების დროული მოქმედებების შედეგად, მოწყობილობები ჩამოაგდეს. მათი ჩამოვარდნისა და ფრაგმენტების მიმოფანტვის შედეგად მსხვერპლი და მატერიალური ზიანი არ მოჰყოლია. რუსეთის პრეზიდენტი უკრაინის თავდასხმის შედეგად არ დაშავებულა”,-ნათქვამია განცხადებაში

 

რუსეთმა მომხდარი „ტერაქტად“ შეაფასა და განაცხადა, რომ მომხდარის შედეგად პრეზიდენტი ვლადიმერ პუტინი არ დაშავებულა.

 

რუსეთის პრეზიდენტის პრესმდივანის დიმიტრი პესკოვის განაცხადებით, ინციდენტის დროს, რუსეთის პრეზიდენტი, კრემლში საერთოდ არ იმყოფებოდა.

 

 კრემლი, უკრაინის მხრიდან თავდასხმის მცდელობას ტერორისტულ აქტად და რუსეთის პრეზიდენტის ლიკვიდაციის მცდელობად აღიქვამს.

 

„კრემლმა ეს ქმედებები განიხილა, როგორც დაგეგმილი ტერორისტული აქტი და პრეზიდენტის მკვლელობის მცდელობა გამარჯვების დღის, 9 მაისის აღლუმის წინ. ტერაქტის შედეგად პრეზიდენტი არ დაშავებულა, სამუშაო განრიგი არ შეცვლილა, ჩვეულ რეჟიმში გრძელდება“, – განაცხადა პესკოვმა.

 

„რუსული მხარე იტოვებს უფლებას მიიღოს საპასუხო ზომები, სადაც და როცა მიზანშეწონილად ჩათვლის“, – წერს რია ნოვოსტი.

 

მოსკოვის  მერის სერგეი სობიანინის განცხადებით,  3 მაისიდან მოსკოვში დრონების  გაშვება აკრძალულია. გამონაკლისი იქნება დრონები, რომლებიც გამოიყენება ხელისუფლების გადაწყვეტილებით.

 

მანამდე მოსკოვის ტელეგრამის არხები წერდნენ, რომ 3 მაისის ღამეს კრემლის მიდამოებში ორი აფეთქება გაისმა. სანაპიროზე მდებარე სახლის მაცხოვრებლებმა თქვეს, რომ მათ დაინახეს ნაპერწკლები ცაში და ხალხი ფანრებით კრემლის კედელთან.