თქვენ ხართ სასოწარკვეთილ მდგომარეობაში მყოფი ადამიანი, რომელიც მეოთხე წელია ვერ ახერხებს, ან არ სურს ომის დასრულება -ორბანი ზელენსკის

თქვენ ხართ სასოწარკვეთილ მდგომარეობაში მყოფი ადამიანი, რომელიც უკვე მეოთხე წელია, ვერ ახერხებს ან არ სურს ომის დასრულება, – ასე მიმართავს  სოციალურ ქსელი X-ში უნგრეთის პრემიერ-მინისტრი, ვიქტორ ორბანი უკრაინის პრეზიდენტ ვოლოდიმირ ზელენსკის.

„ძვირფასო პრეზიდენტო, როგორც ჩანს, ჩვენ ვერ შევძლებთ ერთმანეთის გაგებას. მე ვარ თავისუფალი ადამიანი, რომელიც უნგრელ ხალხს ემსახურება. თქვენ ხართ სასოწარკვეთილ მდგომარეობაში მყოფი ადამიანი, რომელიც უკვე მეოთხე წელია, ვერ ახერხებს ან არ სურს ომის დასრულება, მიუხედავად იმისა, რომ შეერთებული შტატების პრეზიდენტმა ყველა შესაძლო დახმარება გაგიწიათ ამისთვის. ამიტომ, რაც არ უნდა მეპირფეროთ, ჩვენ არ შეგვიძლია თქვენი საომარი ძალისხმევის მხარდაჭერა. უკრაინელ ხალხს, რა თქმა უნდა – თქვენი ფრთხილად შერჩეული შეურაცხყოფების მიუხედავად – კვლავაც შეუძლიათ, ჩვენი იმედი ჰქონდეთ, რომ ჩვენ გავაგრძელებთ თქვენი ქვეყნის ელექტროენერგიითა და საწვავით მომარაგებას. ასევე გავაგრძელებთ უკრაინიდან ჩამოსული ლტოლვილების მხარდაჭერას. დანარჩენს ცხოვრება თავად დაალაგებს და ყველა მიიღებს იმას, რასაც იმსახურებს”, – წერს ვიქტორ ორბანი.