1. Home
  2. TOP სიახლე
  3. სი ძინპინმა ჯო ბაიდენს მოუწოდა შეწყვიტოს ტაივანის შეიარაღება – CNN
სი ძინპინმა ჯო ბაიდენს მოუწოდა შეწყვიტოს ტაივანის შეიარაღება – CNN

სი ძინპინმა ჯო ბაიდენს მოუწოდა შეწყვიტოს ტაივანის შეიარაღება – CNN

103
0

ჩინეთის ლიდერმა სი ძინპინმა აშშ-ის პრეზიდენტს ჯო ბაიდენს განუცხადა, რომ შეერთებულმა შტატებმა უნდა მიიღოს “რეალური ზომები, რათა შეასრულოს თავისი ვალდებულება და არ დაუჭიროს მხარი “ტაივანის დამოუკიდებლობას”. იუწყება CNN

ჯო ბაიდენთან შეხვედრაზე სი ძინპინმა მოუწოდა აშშ-ს შეწყვიტოს ტაივანის შეიარაღება და მხარი დაუჭიროს ჩინეთის “მშვიდობიან გაერთიანებას”.

“ჩინეთი საბოლოოდ მიაღწევს გარდაუვალ გაერთიანებას,” – თქვა სიმ.

ჩინეთის ლიდერმა ასევე აღნიშნა, რომ ტაივანის თემა ყოველთვის იყო “ყველაზე მნიშვნელოვანი და მგრძნობიარე საკითხი” აშშ-ჩინეთის ურთიერთობებში.

CNN აღნიშნავს, რომ ტაივანი იანვარში საპრეზიდენტო არჩევნებისთვის ემზადება, რა დროსაც „ჩინეთთან დაძაბულობა კამპანიის მთავარი თემა იქნება“.

ჩინეთის მმართველი კომუნისტური პარტია ტაივანს თავის ტერიტორიად მიიჩნევს, თუმცა, ტაივანი თავს დამოუკიდებელ ქვეყნად აცხადებს, რომელსაც თავისი კონსტიტუცია და დემოკრატიულად არჩეული ლიდერები ჰყავს. სიმ პირობა დადო, რომ ტაივანი ჩინეთს შეუერთდება და ამ მიზნის მისაღწევად ძალის გამოყენება არ გამორიცხა.