“შიდა მტრები სწორედ ასე ყიდდნენ სამშობლოს” – წილოსანი აშშ-ის კონგრესში გამართულ მოსმენაზე

საპარლამენტო უმრავლესობის წევრი ნინო წილოსანი აშშ-ის კონგრესში საქართველოსთან დაკავშირებით გამართულ მოსმენას სოციალურ ქსელში ეხმაურება.

„ვუყურებდი და ვფიქრობდი, როგორ მეორდება ჩვენი ქვეყნის ისტორია – შიდა მტრები სწორედ ასე ყიდდნენ სამშობლოს, უფრო სწორად, ეს სამშობლოს გაყიდვის რაღაც სხვა, თითქოს უფრო თანამედროვე და ამაზრზენი ფორმაა“, – წერს წილოსანი.

ცნობისთვის, აშშ-ის კონგრესში, საქართველოს შესახებ მოსმენაზე ფონდ „ღია საზოგადოების“ ევროინტეგრაციის პროგრამის მენეჯერი ივანე ჩხიკვაძე და საქართველოს ყოფილი ელჩი ევროკავშირში ნატალია საბანაძე სიტყვით გამოვიდნენ.