1. Home
  2. TOP სიახლე
  3. “საყოველთაო ჯანდაცვის პროგრამის ამოქმედება, დანერგვა, დაწყება ეკუთვნის ბიძინა ივანიშვილს”- პრემიერი
“საყოველთაო ჯანდაცვის პროგრამის ამოქმედება, დანერგვა, დაწყება ეკუთვნის ბიძინა ივანიშვილს”- პრემიერი

“საყოველთაო ჯანდაცვის პროგრამის ამოქმედება, დანერგვა, დაწყება ეკუთვნის ბიძინა ივანიშვილს”- პრემიერი

495
0

საყოველთაო ჯანდაცვის პროგრამის ამოქმედება, დანერგვა, დაწყება ეკუთვნის ჩვენი პარტიის დამფუძნებელს, ყოფილ პრემიერ-მინისტრს, ბიძინა ივანიშვილს და ესაა შედეგი, რითიც ათასობით ადამიანი გადარჩა და ათიათასობით. რომ ყოფილიყო ისევ ეს მჩაგვრელი, ნეოფაშისტური რეჟიმი ქვეყანაში, ძალიან ბევრი, ათიათასობით ადამიანი, უბრალოდ, ვერ შეძლებდა მკურნალობას და ამდენი, ათასობით სიცოცხლე გადავარჩინეთ, ესაა რეალობა, – ამის შესახებ პრემიერ-მინისტრმა, ირაკლი ღარიბაშვილმა ჟურნალისტებს განუცხადა.

მისივე თქმით, კერძო სამედიცინო კლინიკებმა მიიღეს საყოველთაო ჯანდაცვის პროგრამებზე სახელმწიფოს მიერ დახარჯული თანხებიდან თითქმის 6.8 მლრდ ლარი.

„ჩვენ ძალიან ბევრი დახმარება გამოვუყავით კერძო კლინიკებს. მთელი ეს თანხა წავიდა კერძო კლინიკებში – 6 მლრდ 800 მლნ ლარი, და 200 მლნ წავიდა სახელმწიფო კლინიკებში.

ამით, რა თქმა უნდა, ფეხზე დადგა ჯანდაცვის სექტორი, ძალიან განვითარდა ბოლო ათ წელიწადში. ესაა ჩვენი ხელწერა. ანუ, რა რეალობა დაგვხვდა და რა გვაქვს დღეს, არის როგორც დღე და ღამე. მანამდე გახსოვთ, რომ სახელმწიფო, რეალურად, ადამიანებს, მოქალაქეებს იჭერდა, აწამებდა, კლავდა და ათას უბედურებას მართებდა, ამის შემდეგ არ მკურნალობდა, მიგდებული ჰყავდა აბსოლუტურად ბედის ანაბარად, რომ იტყვიან. ჩვენ ყველა ეს მიდგომა შევცვალეთ და სახეზე გვაქვს ძალიან მაგარი შედეგი,“ – აღნიშნა პრემიერმა.