საქართველოში არიან საერთაშორისო დამკვირვებლები სხვადასხვა ქვეყნიდან, რათა გამოთქვან თავიანთი მოსაზრებები, დაადასტურონ პროცესის გამჭვირვალობა -კლოდ ჟან რობერტ ალფრედი
დღეს ჩამოვედი პარიზიდან. ვეწვიე ორ საარჩევნო უბანს და შევხვდი როგორც თანამშრომლებს, ასევე ამომრჩევლებს. აქ არიან საერთაშორისო დამკვირვებლები სხვადასხვა ქვეყნიდან, რათა გამოთქვან თავიანთი მოსაზრებები და დაადასტურონ, რომ პროცესი არის გამჭვირვალე, ნათელი და სწორად მიმდინარეობს, – ამის შესახებ საერთაშორისო დამკვირვებელმა, კლოდ ჟან რობერტ ალფრედმა განაცხადა.
ლოდ ჟან რობერტ ალფრედი საქართველოში მიმდინარე საპარლამენტო არჩევნებს აკვირდება.
„როგორც აღვნიშნე, მე არ ვარ ექსპერტი, მაგრამ, როგორც დამკვირვებელი, შემიძლია ვთქვა, რომ არსებობს მრავალი ეტაპი გაყალბებისა და სხვა პრობლემების თავიდან ასაცილებლად. ელექტრონულ ხმის მიცემის სისტემას აქვს ცალკე ტექნიკური შემოწმების ზომები წესებში. ვიტყოდი, რომ ეს დღეები მნიშვნელოვანია, პირველ რიგში, იმ ტექნოლოგიისა და სისტემების გამო, რომლებიც შეირჩა თქვენი ქვეყნის მოქალაქეების აზრის გასათვალისწინებლად“, – აღნიშნა კლოდ ჟან რობერტ ალფრედმა.
