1. Home
  2. TOP სიახლე
  3. “საქართველოს პროდასავლური პროტესტი გზაჯვარედინზე დგას” – Financial Times

“საქართველოს პროდასავლური პროტესტი გზაჯვარედინზე დგას” – Financial Times

“საქართველოს პროდასავლური პროტესტი გზაჯვარედინზე დგას” – Financial Times
24
0

ბრიტანულ გაზეთ „ფაინენშელ თაიმსში“ (Financial Times) გამოქვეყნებულია წერილი  სათაურით „საქართველოს პროდასავლური პროტესტი გზაჯვარედინზე დგას“, რომლის ავტორია თბილისელი პროფესორი ემილ ავდალიანი. პუბლიკაცია ეხმაურება გაზეთში 10 მარტს გამოქვეყნებულ სტატიას, რომელშიც გადმოცემულია თბილისში გამართული საპროტესტო აქციის შედეგი – ხელისუფლების მიერ „უცხოელი აგენტების“ შესახებ კანონპროექტის უკან გაწვევა.

როგორც ემილ ავდალიანი წერს, თბილისში სამდღიან პროტესტს შეიძლება შორ მიმავალი შედეგები მოჰყვეს. პირველ რიგში ის, რომ საპროტესტო გამოსვლამ ბოლო მოუღო ორი პარტიის დომინირებას ქართულ პოლიტიკაში 2012 წლიდან, როცა ხელისუფლებაში „ქართული ოცნება“ მოვიდა და რომელსაც მილიარდერი ბიძია ივანიშვილი აკონტროლებს. „ქართული ოცნება“ ბოლო 10 წლის განმავლობაში ყოველთვის იმარჯვებდა ოპოზიციურ „ნაციონალურ მოძრაობაზე“, რომლის უკან ლიდერად ექს-პრეზიდენტი, ამჟამად პატიმარი მიხეილ სააკაშვილი მოიაზრებოდა. 

„ამჟამინდელ პროტესტებში საზოგადოების მნიშვნელოვანი ნაწილი იყო ჩართული – ბევრად მეტი, ვიდრე წინა პერიოდში: ისინიც კი, რომლებიც ადრე პოლიტიკით არ იყვნენ დაინტერესებულები და არც „ოცნებას“ და არც „ნაციონალებს“ მხარს არ უჭერდნენ. როგორც ჩანს, პირველად ათი წლის განმავლობაში მოსახლეობის ფართო ფენებს რეალური მოტივაცია გაუჩნდათ – პროტესტი ადასტურებს, რომ ქართველებში მატულობს პროდასავლური განწყობა“, – წერს ავტორი და იქვე დასძენს, რომ საჭიროა გაერთიანება პოლიტიკური ორგანიზაციის ირგვლივ. 

„მაგრამ სწორედ აქ ჩნდება პრობლემა, რომელიც დამახასიათებელია საქართველოს საშინაო პოლიტიკისათვის: ალტერნატივის არსებობა ოპოზიციურ პარტიებს შორის. იმპულსი, რომელმაც საპროტესტო აქცია გამოიწვია, შეიძლება დასუსტდეს, რადგან არცერთ ოპოზიციურ პარტიას არ აქვს ისეთი მხარდაჭერა, რომ მმართველ პარტიას არჩევნებში ბრძოლა გაუმართოს. შესაბამისად, 2024 წლის საპარლამენტო არჩევნების მოახლოების კვალობაზე, ოპოზიციის ეფექტური ლიდერების არარსებობას შეუძლია ისევ დათრგუნოს ხალხის სურვილი და სწრაფვა ცვლილებისაკენ“, – ნათქვამია წერილის ბოლოს.

წყარო