![“რაც ნაკლები ექსტრემისტული პარტია და პოლიტიკური კლუბი შევა პარლამენტში, მით უკეთესი”-ირაკლი კობახიძე](https://gttv.ge/wp-content/uploads/2022/07/irakli-kobakhidze..png)
“რაც ნაკლები ექსტრემისტული პარტია და პოლიტიკური კლუბი შევა პარლამენტში, მით უკეთესი”-ირაკლი კობახიძე
ქვეყნისთვის მნიშვნელოვანი არის 5%-იანი ბარიერი. ეს არის მნიშვნელოვანი იმისათვის, რომ სტაბილურად გაგრძელდეს დემოკრატიული პროცესები ჩვენს ქვეყანაში, – ამის შესახებ ჟურნალისტებს „ქართული ოცნების“ თავმჯდომარემ, საპარლამენტო უმრავლესობის ლიდერმა, ირაკლი კობახიძემ განუცხადა.
მისივე თქმით, რაც ნაკლები ექსტრემისტული პარტია და პოლიტიკური კლუბი შევა პარლამენტში, მით უკეთესი.
„ქვეყნისთვის მნიშვნელოვანი არის 5%-იანი ბარიერი. ეს არის მნიშვნელოვანი იმისათვის, რომ სტაბილურად გაგრძელდეს დემოკრატიული პროცესები ჩვენს ქვეყანაში. პირველ რიგში, ჩვენ უნდა ვიმოქმედოთ ჩვენი სახელმწიფოს ინტერესების შესაბამისად. რაც შეეხება საერთო სურათს, რაც ნაკლები ექსტრემისტული პარტია და პოლიტიკური კლუბი შევა პარლამენტში, მით უკეთესი“, – განაცხადა კობახიძემ.
2024 წლის საპარლამენტო არჩევნები პროპორციული სისტემითა და ხუთპროცენტიანი საარჩევნო ბარიერით ჩატარდება. მმართველი გუნდი კონსტიტუციაში ცვლილების შეტანას არ აპირებს, ოპოზიციას კი ხუთპროცენტიანი ბარიერის ეშინია. ოპოზიციის უმრავლესობამ იცის, რომ მეთერთმეტე მოწვევის პარლამენტში ვეღარ მოხვდება და ხელისუფლებაზე წნეხის გაზრდას, მათ შორის საერთაშორისო პარტნიორების მობილიზებას გეგმავს.