“ნაციონალური მოძრაობა“ დალპა”- მიხეილ სარჯველაძე
პოლიტიკური თვალსაზრისით „ნაციონალური მოძრაობა” დალპა, იქ ჯანმრთელი ქსოვილები აღარ დარჩა, – ამის შესახებ ჟურნალისტებთან ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.
მისი თქმით, შეუთანხმებლობა და ურთიერთავდასხმები “ნაციონალურ მოძრაობაში” კანონზომიერია.
“არ მიყვარს ხოლმე ასეთი ტერმინებით საუბარი, მაგრამ ყველაზე კარგად ასახავს მდგომარეობას, რაც ხდება “ნაციონალურ მოძრაობაში” – პოლიტიკური თვალსაზრისით ეს ორგანიზაცია დალპა. დალპა ნიშნავს იმას, რომ იქ უბრალოდ ჯანმრთელი ქსოვილები აღარ ვითარდება. ბუნებრივია, ყოველი შემდგომი გაღრმავება კონფრონტაციის კანონზომიერია: ურთიერთ თავდასხმები, შეუთანხმებლობა. როცა არჩევნების პერიოდი იყო ამ პარტიაში ვთქვით, რომ შეუძლებელია იგივე ფორმით, შემადგენლობით განაგრძოს ფუნქციონირება. იყო მცდელობა მათი მხრიდან და განცხადებები, რომ “ვრჩებით პარტიაში, ასე გავაგრძელებთ”. გამორიცხულია ეს, ჯანმრთელი ქსოვილები აღარ დარჩა იქ, ეს აბსოლუტურად ლოგიკური დასასრულია ამ ორგანიზაციის,”- განაცხადა სარჯველაძემ.
