“ნაციონალურ მოძრაობაში“ ლოგიკური პროცესი მიდის, ეს პარტია იდგა ძალმომრეობაზე, შანტაჟზე და მუქარაზე”

პარტია „ნაციონალური მოძრაობის“ დაშლა და პოლიტიკური რადარებიდან გაქრობა მიმდინარეობს, – ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ განაცხადა.

ზარქუას თქმით, მომავალი ვერ ექნება პარტიას, რომლის უკანაც მერაბიშვილ-კეზერაშვილი დგანან.

„ნაციონალურ მოძრაობაში“ ლოგიკური პროცესი მიდის – ეს არის პარტიის გაქრობა პოლიტიკური რადარებიდან. ეს პარტია იდგა ძალმომრეობაზე, შანტაჟზე, მუქარაზე, ჩაშვებაზე. ახლა ამ ყველაფრის გვირგვინი არის ჩემი ხაბე. აქედან გამომდინარე, რა მომავალი უნდა ჰქონდეს იმ პარტიას, როცა „ნაცმოძრაობას“ განახლებული დაარქვეს და მის უკან ვინ დგანან? ბატონი მერაბიშვილი და ბატონი კეზერაშვილი, ვისაც ევროპამ „მისტერ ოფშორი“ დაარქვა და ევროპელ პენსიონერებს ძარცვავს. ქართული ჯარი უკვე გაძარცვული ჰყავს და ამაზე მისჯილი აქვს“, – განაცხადა ირაკლი ზარქუამ.

ნიკა მელია „ნაციონალური მოძრაობის“ შეხვედრაზე არ მიიწვიეს. პარტიის თავმჯდომარემ, ლევან ხაბეიშვილმა განაცხადა, რომ ყრილობას მხოლოდ ხელმძღვანელი პირები ესწრებიან და ყოფილი თავმჯდომარის დასწრება მიზანშეწონილი არ არის.