1. Home
  2. TOP სიახლე
  3. “მნიშვნელოვანი კითხვაა, რატომ უკეთებს პუტინი შეთავაზებებს საქართველოს ახლა”- კელი დეგნანი
“მნიშვნელოვანი კითხვაა, რატომ უკეთებს პუტინი შეთავაზებებს საქართველოს ახლა”- კელი დეგნანი

“მნიშვნელოვანი კითხვაა, რატომ უკეთებს პუტინი შეთავაზებებს საქართველოს ახლა”- კელი დეგნანი

186
0

მნიშვნელოვანი კითხვებია, რატომ უკეთებს პუტინი შეთავაზებებს საქართველოს ახლა, რა საფასურის გადახდა მოუწევს საქართველოს პირდაპირი ფრენების, სავიზო რეჟიმის გაუქმებისთვის, სარკინიგზო ხაზის პოტენციური აღდგენით, – ამის შესახებ საქართველოში აშშ-ის ელჩმა, კელი დეგნანმა განაცხადა.

დეგნანის თქმით, ეს კითხვები მნიშვნელოვანია, რადგან პუტინი არაფერს იძლევა საფასურის დაკისრების გარეშე.

„ქვეყანა, რომლის ტერიტორიის 20 პროცენტი ოკუპირებულია რუსეთის მიერ და მისი რვა მოქალაქე ჰყავს დაკავებული რუსეთის მიერ მხარდაჭერილ ძალებს სამხრეთ ოსეთში, განაგრძობს რუსეთის ზეწოლის ქვეშ ყოფნას, ფრთხილად უნდა იყოს იმასთან დაკავშირებით, რაც ჰგავს რუსეთის მიერ საქართველოსთან ურთიერთობების ნორმალიზების მცდელობას.

ვფიქრობ, მნიშვნელოვანი კითხვაა, რატომ? რატომ ახლა? რატომ უკეთებს პუტინი ახლა ამ დათმობებსა და შეთავაზებებს საქართველოს. რა საფასურის გადახდა მოუწევს საქართველოს ამისთვის, პირდაპირი ფრენებისთვის, სავიზო რეჟიმის გაუქმებისთვის, იმ სარკინიგზო ხაზის პოტენციური აღდგენით, რომელიც დააკავშირებს საქართველოს რუსეთთან, აფხაზეთის საშუალებით. ეს ძალიან მნიშვნელოვანი კითხვებია, რადგან ჩვენ ვიცით, რომ პუტინი არაფერს იძლევა საფასურის დაკისრების გარეშე. კითხვაზე, რატომ აკეთებს ახლა რუსეთი ამას, დასკვნები ფაქტებზე დაყრდნობით უნდა გამოვიტანოთ, რომ გავიგოთ, რისი მიღება შეიძლება სურდეთ ამ ნაბიჯის, ამ ჟესტის თვალსაზრისით“, – განაცხადა კელი დეგნანმა.