1. Home
  2. TOP სიახლე
  3. “ევროპელი პენსიონერების ფულით ჩატარებული კვლევებით, გახარიასთვის მიწერილი 10 პროცენტი რამდენად “საბაჯაღლოა”? -დავით ქართველიშვილი
“ევროპელი პენსიონერების ფულით ჩატარებული კვლევებით, გახარიასთვის მიწერილი 10 პროცენტი რამდენად “საბაჯაღლოა”? -დავით ქართველიშვილი

“ევროპელი პენსიონერების ფულით ჩატარებული კვლევებით, გახარიასთვის მიწერილი 10 პროცენტი რამდენად “საბაჯაღლოა”? -დავით ქართველიშვილი

1.54K
0

გახარიას აქვს ოქროს მანდატები” – ბრძანებს ცნობილი პოლიტოლოგი ვახტანგ ძაბირაძე, – ასე ეხმაურება, „ხალხის ძალის“ წევრი დავით ქართველიშვილი სოციალურ ქსელში, პოლიტოლოგ ვახტანგ ძაბირაძის პოსტს, რომელიც ეხება „ფორმულას“ დაკვეთით ჩატარებული Edison Research-ის კვლევის შედეგს.

ქართველიშვილის თქმით, მისთვისაც საინტერესოა, ბატონ პოლიტოლოგისთვის, რომელი სინჯის ოქროს მანდატებს წარმოადგენენ გახარიას პოლიტსაბჭოს ჩამოთვლილი წევრები.

„საოქრომჭედლო “სამყაროში” განასხვავებენ ოქროს ექვს კლასიფიკაციას: 375 სინჯის (37,5%), 500 სინჯის (50%), 585 სინჯის (58,5%), 750 სინჯის (75%), 900 სინჯის (90%) და 999 სინჯის (99,9%). როდესაც პოლიტოლოგი გადადის საკუთარი აზრის გამოხატვის “ალეგორიულ” მანერაზე, ჩვენ მის მკითხველს, გვიჩნდება დამატებითი შეკითხვების დასმის “ფანჯარა”.

„გახარიას აქვს ოქროს მანდატები” – ბრძანებს ცნობილი პოლიტოლოგი ვახტანგ ძაბირაძე. საუბარია გახარიას “ჩინურ ვერსია” ქემოკლიძეზე, „მარიამის ღრმულის” ცნობილ მკვლევარზე. საუბარია დეპუტატ ანა ბუჩუკურზე…

ასე რომ, განაგრძობს ბატონი ძაბირაძე: „რასაც უკარნახებს გახარია, ან ის უნდა მიიღონ „ქართულმა ოცნებამ“ და „ნაციონალურმა მოძრაობამ“, ან მივდივართ რიგგარეშე არჩევნებზე, მე თუ მაქვს ოქროს მანდატები, შემიძლია მოვითხოვო პრემიერის პოსტიც, უნდა ვივაჭრო „ქართულ ოცნებასთან“ და „ნაციონალურ მოძრაობასთან“, რომელიც დამითმობს პრემიერის პოსტს იმასთან გავაკეთებ კოალიციას“.

რომელი სინჯის ოქროს მანდატებს წარმოადგენენ ბატონ პოლიტოლოგისთვის ჩემს მიერ ჩამოთვლილი გახარიას პოლიტსაბჭოს წევრები? ან ჩვენს საზოგადოებას რაში შეატყო ან დემენციური ამნეზიის, ან ოქროს თითბერისაგან გარჩევის უუნარობის ნიშნები? ან თავად გახარია რომელ სინჯს განეკუთვნება? “ბაჯაღლოს”? ევროპელი პენსიონერების ფულით ჩატარებული კვლევებით მისთვის მიწერილი 10 პროცენტი რამდენად “საბაჯაღლოა”? თუმცა, ბატონ ვახტანგ ძაბირაძეს თავისი გამოხმაურება “ოფშორმედიის” შეკვეთილ კვლევებზე მყისიერად რომ გამოეხატა, ამისთვის ეს “ოქროს” კლასიფიკაციებს მიღმა რეიტინგული მონაცემი სავსებით საკმარისი აღმოჩნდა“, -წერს ქართველიშვილი.