ეს არჩევნები დე ფაქტო რეფერენდუმია: დიახ ევროპას, ან ოდნავ გაურკვეველ წარსულში დაბრუნება – პრეზიდენტი

ეს არჩევნები ძალიან მნიშვნელოვანია, რადგან ის განსაზღვრავს, სულ მცირე, უახლოეს მომავალში საქართველოს ევროპული მომავლის ბედს და მოლაპარაკებების გახსნით ევროკავშირში ინტეგრაციის გზის ბედს. ეს არჩევნები დე ფაქტო რეფერენდუმია: დიახ ევროპას, ან ოდნავ გაურკვეველ წარსულში დაბრუნება, – ამის შესახებ საქართველოს პრეზიდენტმა, სალომე ზურაბიშვილმა Euronews-თან ინტერვიუში განაცხადა.

კითხვაზე: „არ გეშინიათ, რომ არჩევნების შედეგების შესაცვლელად არჩევნებს გააყალბებენ?“ – საქართველოს პრეზიდენტმა უპასუხა:

„საარჩევნო გაყალბება სხვადასხვა ადმინისტრაციული რესურსის გამოყენებით უკვე ცნობილი ფენომენია. ის ასევე გაზომვადია. ასე რომ, ჩვენ საკმაოდ კარგად ვიცით, რომ ჩვენს პროგნოზებში 60% (მისცემს ხმას) პროევროპელებს და 40% მმართველ პარტიას, გაყალბების ჰიპოთეზა უკვე მეტ-ნაკლებად შედის ამაში. ეს მაჩვენებლები მოიცავს იმ ადამიანებს, რომლებიც მუშაობენ საჯარო სამსახურებში, აქვთ ინტერესები ან შეშფოთება თავიანთი სამუშაოს შესახებ. ასე რომ, ეს ყველაფერი მეტ-ნაკლებად ცნობილია. იმ პირობით, რომ არჩევნები მშვიდობიანი იქნება და მოსახლეობა ისეთი მობილიზებული დარჩება, როგორც დღეს არის, შედეგი პროევროპელთა გამარჯვება უნდა იყოს“, – აღნიშნა საქართველოს პრეზიდენტმა.