ერთადერთი, რაც „ლელოს” და გახარიას პარტიას აერთიანებთ, საკუთარი ქვეყნის სიძულვილია – დავით მათიკაშვილი

ერთადერთი, რაც „ლელოს” და გახარიას პარტიას აერთიანებთ, საკუთარი ქვეყნის სიძულვილია,- განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.

დეპუტატი გამოეხმაურა ინფორმაციას იმის შესახებ, რომ ირაკლი კუპრაძე და ბერდია სიჭინავა ბერლინში გიორგი გახარიას შეხვდნენ. გორდულაძე გახარიას „მშიშარა ადამიანს“ უწოდებს.

„რადიკალებს აქვთ ნულოვანი შანსი თვითმმართველობის არჩევნებზე და ეს მათაც ძალიან კარგად იციან. იციან, რამეთუ ვერც შეთანხმდნენ საერთო კანდიდატებზე. დღეს იკრიბებიან უცხოეთში, სურვილი აქვთ, რომ იმსჯელონ ამ საკითხებზე და ვინ? გიორგი გახარია, რომელიც გაქცევითა და ღალატით არის ცნობილი ჩვენს ქვეყანაში, წარმოადგენს კოლექტიური „ნაცმოძრაობის” ერთ განშტოებას. მეორე მხრივ, „ლელო” თაღლითების და „ნაცმოძრაობასთან” არსით დაკავშირებული პირების პარტია. ერთადერთი შეგვიძლია ვთქვათ – რა აერთიანებთ ამ ძალებს? საკუთარი ქვეყნის სიძულვილი“,- განაცხადა მათიკაშვილმა.

„ლელო საქართველოსთვის“ თავმჯდომარე ირაკლი კუპრაძე და გახარიას პარტიის წარმომადგენელი ბერდია სიჭინავა ბერლინში გიორგი გახარიასთან იმყოფებოდნენ. ფაქტი დაადასტურეს გახარიას პარტიაშიც და ლელოშიც. არსებული ინფორმაციით, პარტიები საარჩევნო სიასა და კანდიდატებზე ამ დრომდე ვერ თანხმდებიან.