![Emmy 2024-ის გამარჯვებულები დასახელდნენ](https://gttv.ge/wp-content/uploads/2024/01/screenshot_2-4.jpg)
Emmy 2024-ის გამარჯვებულები დასახელდნენ
ლოს-ანჯელესში Emmy-ის დაჯილდოების 75-ე ცერემონია გაიმართა.
ამის შესახებ BBC წერს.
გამოცემის ინფორმაციით, წლის საუკეთესო დრამატული სერიალის კატეგორიაში კვლავ „მემკვიდრეობამ“ გაიმარჯვა. სერიალის სამი მსახიობი – კირან კალკინი, სარა სნუკი და მეთიუ მაკფეიდენი დაჯილდოვდნენ როგორც საუკეთესო კაცი, საუკეთესო ქალი და საუკეთესო მეორე პლანის მსახიობები დრამატულ სერიალში. შოუმ ასევე მიიღო ჯილდო საუკეთესო სცენარისთვის.
„დათვი“ საუკეთესო კომედიურ სერიალად დასახელდა, შოუში მთავარი როლის შემსრულებელი ჯერემი ალენ ვაითი კი კომედიურ სერიალებში საუკეთესო კაც მსახიობად აღიარეს. ამავე კატეგორიაში საუკეთესო ქალ მსახიობი ასევე „დათვში“ მოთამაშე აიო ედიბირი გახდა.
საუკეთესო მინი-სერიალი „მტრობა“ გახდა. შოუშიმთავარი როლების შემსრულებლები სტივენ იანი და ალი ვონგი კატეგორიის საუკეთესო მსახიობებად აღიარეს.
გამოსამშვიდობებელი ტურისთვის დააჯილდოვეს სერ ელტონ ჯონი, რომელიც მე-19 ადამიანი გახდა, ვისაც „ემის“, „გრემის“, „ოსკარისა“ და „ტონის“ ჯილდოები აქვს.