![დავით ქართველიშვილი სოციალურ ქსელში აშშ-საელჩოს განცხადებას აფასებს](https://gttv.ge/wp-content/uploads/2023/06/qar.jpg)
დავით ქართველიშვილი სოციალურ ქსელში აშშ-საელჩოს განცხადებას აფასებს
„ხალხის ძალის“ წევრი დავით ქართველიშვილი სოციალურ ქსელში აფასებს აშშ-საელჩოს განცხადებას, რომელიც საქართველოში სამხედრო ბაზის შექმნასთან დაკავშირებით მედიაში გავრცელებულ ინფორმაციას ეხმიანება.
აშშ-ს საელჩოს განმარტებით „შეერთებულ შტატებს არ შეუთავაზებია ამერიკული სამხედრო ბაზის შექმნა საქართველოში“.
ქართველიშვილის თქმით, ამას უკვე აღარც ფსკერი ჰქვია, არც კრახი და არც ფიასკო.
„როგორ არ აღვნიშნო, რომ ახალი ხელმძღვანელის მოლოდინში მყოფმა აშშ-ს საელჩომ სასიამოვნოდ გამაოცა. დღეს „ჟურნალისტად“ წოდებული „გლავკანალის“ სვავი არ ეშვებოდა ირაკლი კობახიძეს ამ იაფფასიანი და უბინძურესი ფეიკით. კობახიძის არაერთ კონტრშეკითხვას: „წყარო დამისახელეთო„ – აბსოლუტური საპასუხო ბოდვა მოჰყვა.
ასე ხდება, როდესაც ამერიკის საელჩო თავისი არასწორი დამოკიდებულებით იმდენად ათამამებს თავის ლაქიებს და მარიონეტებს, რომ ისინი თვით საკუთარ „მემარიონეტეს“ ფამილიარულად და „იერარქიულ კიბეზე“ საკუთარი რეალური ადგილის დავიწყებით ექცევიან. „გლავკანალს“ შეექმნა შთაბეჭდილება, რომ თავის მორიგ ფეიკსა და დეზინფორმაციაზე ისინი პატრონებისგან წამახალისებელ რეაგირებას მიიღებდნენ.
ამჯერად, ზღვარსგადასული და აბუნტებული ლაქიების დონე საელჩოშიც კი ადეკვატურად შეაფასეს. მათ განცხადებას სრულად შემოგთავაზებთ: “აშშ-საქართველოს თავდაცვითი ურთიერთობა ეფუძნებოდა და კვლავაც ეფუძნება თავსებადობის გაძლიერებას და საქართველოს მხარდაჭერას შემდგომი აგრესიის შეკავებისა და მისი სუვერენული ტერიტორიის დასაცავად, რაც საქართველოს უკეთ ამზადებს ნატოში გაწევრიანებისთვის. მედიაში გავრცელებული ინფორმაციის განსამარტად, შეერთებულ შტატებს არ შეუთავაზებია ამერიკული სამხედრო ბაზის შექმნა საქართველოში“.
ამას უკვე აღარც ფსკერი ჰქვია, არც კრახი და არც ფიასკო. ამას საჯარო გაროზგვა თუ გამათრახება ჰქვია, გაბლატავებულ მონას ბამბის პლანტაციაზე მოთმინებიდან გამოსული პატრონი რომ უთავაზებს. მადლობა საელჩოს ასეთი მყისიერი რეაგირებისათვის. არა რუსულ დეზინფორმაციას! არა რუსულ გლავკანალიზაციას!“- წერს ქართველიშვილი.